Уладальніку сайтаў Kyky.org і The Village Аляксандру Васілевічу, што прыйшоў да КДБ з хадайніцтвам за Бабарыку, далі 14 сутак
30 ліпеня 2020
Сёння ў судзе Фрунзенскага раёна па Skype судзілі Аляксандра Васілевіча, уладальніка Vondel і Hepta, якога 28 ліпеня, у аўторак, каля 18:00 затрымалі ўнутры будынка КДБ, калі ён прыйшоў падаваць хадайніцтва за Віктара Бабарыку разам з галоўным рэдактарам The Village Беларусь Яўгеніяй Сугак. Суд прызнаў Аляксандра вінаватым па ч. 1 арт 23.34 — парушэнне парадку арганізацыі або правядзення масавых мерапрыемстваў і прысудзіў яму 14 сутак адміністрацыйнага арышту, піша The Village.
У абвінавачванні гаворыцца, што Аляксандр Васілевіч удзельнічаў у масавым несанкцыянаваным мерапрыемстве каля будынка КДБ з 17:10 да 17:30 і крычаў: «Свабоду Бабарыку!»
Яўгенія Сугак выступала на судзе ў якасці сведкі. Яна распавяла, што яны з Аляксандрам у масавых мерапрыемствах не ўдзельнічалі, а прыйшлі ў той вечар каля 17:50 да будынка КДБ з канкрэтнай мэтай — падаць хадайніцтва.
Па дарозе да будынка яны размаўлялі аб справах, і Аляксандр нічога не крычаў.
На ўваходзе ў КДБ яны распавялі пра мэту свайго прыходу, былі запрошаныя ўвайсці, пасля чаго іх правялі ў пакой, а адтуль — у аўтазак і адвезлі ў РУУС.
@bajmedia
Ігара Карнея ўключылі ў спіс «экстрэмістаў» МУС
28.06.2024
Блогер Vadimati распавёў, што сапраўды захварэў на анкалогію пасля зняволення
07.08.2024
«Згубіць «Белсат» было б скрышальна»: Беларуская незалежная кінаакадэмія скіравала ліст у падтрымку тэлеканала Дональду Туску, Радославу Сікорскаму, уладам TVP
01.08.2024
Улады ўсё ж узяліся за жудасныя газеты, якія раскідваюць мінчукам. Справай займаюцца сілавікі
12.06.2024
