У полацкім офісе свабоднага прафсаюзу зрабілі ператрус, затрыманы сябра БАЖ Віктар Стукаў
25 сакавіка 2017
Ператрус прайшоў каля 20-й вечара. Супрацоўнікі міліцыі выклікалі актывіста СПБ Віктара Стукава, заявіўшы, што ў офісе могуць захоўвацца скрадзеныя рэчы. Ператрус быў хуткі, рэчаў, якія фігуруюць у крымінальнай справе наконт крадзяжу ў кватэры па вуліцы Гагарына, у офісе не знайшлі.
Пасьля ператрусу Віктара Стукава забралі ў Полацкі РАУС, другога прафсаюзнага актывіста, Міколу Шараха, не пусьцілі да калегі ў якасьці прадстаўніка. Аднак спадару Шараху паведамілі, што Стукава затрымліваюць з прычыны таго, што ён нібыта лаяўся матам падчас ператрусу.
На думку Шараха, затрыманьне зьвязана з акцыяй да Дня Волі. Гэтае меркаваньне пацьвярджаюць апошнія падзеі: у Полацку затрымалі праваабаронцу Юрыя Бельскага і яшчэ некалькі чалавек, якія раніцай выправіліся на Дзень Волі ў Менск.
@bajmedia
У Гомелі затрымалі дырэктара рэкламнай тэлекампаніі «ФілТВ»
26.03.2024
Meta запускае кампанію па барацьбе з ШІ-дэзынфармацыяй і дыпфэйкамі
27.02.2024
Пасля ўдзелу ў праграме «Белсата» Аляксандра Корнышава ў яго бацькоў правялі ператрус
29.04.2024
Не забыць ніводнага, хто за кратамі. У Хельсінкі адкрылі стэнд пра калег за кратамі і размаўлялі пра падтрымку Беларусі
09.08.2024
