У фатографа Сяргея Серабро забралі мабільны тэлефон за здымкі на вакзале
3 сакавіка 2022
Заснавальніка сайта “Народныя Навіны Віцебска” Сяргея Серабро затрымалі 28 лютага ў Віцебску. Затрыманне праводзілі двое: адзін мужчына ў міліцэйскай форме, другі — у цывільнай вопратцы з гербам Расійскай Федэрацыі.
У Чыгуначным раённым аддзеле міліцыі журналіста распытвалі, ці збіраўся ён узяць удзел у несанкцыянаванай акцыі супраць вайны ва Украіне. Паводле міліцыянтаў, яны вартавалі патэнцыйных удзельнікаў акцыі ў раёне чыгуначнага вакзала.
Сяргей Серабро патлумачыў, што меў іншыю мэту: ён фатаграфаваў чэргі ў касу, бо ахвотныя здаць свае электронныя квіткі мелі праблемы з тым, каб зрабіць гэта анлайн. Інфармацыя з папярэджаннем пра тэхнічныя непаладкі была напярэдадні размешчаная на сайце беларускай чыгункі.
У пастарунку журналіст правёў каля дзвюх гадзін. Потым яго адпусцілі, але забралі мабільны тэлефон. Як патлумачылі міліцыянты — для праверкі.
@bajmedia
Лічбавы фотаархіў Veha запрашае дзяліцца сямейнымі фатаграфіямі
25.10.2024
Журналіцкая супольнасць сабрала сродкі на рэабілітацыю калегі пасля жорсткай аварыі. Збор зачынены
06.12.2023
Каманда Нехта запусціла свой сайт. На ім пакуль няма беларускай павесткі
06.03.2024
У Берліне адбудзецца кінапаказ праекта VisiBYlity — пра жыццё i творчасць беларусаў у выгнанні
19.06.2024
