У 2019 годзе на дзяржаўныя СМІ Беларусі патрацяць амаль 63 млн еўра
30 кастрычніка 2018
На ўтрыманне дзяржаўных СМІ ў 2019 годзе з рэспубліканскага бюджэта запланавана выдаткаваць амаль 63 млн еўра (151 211 151,0 руб) па сённяшнім курсе. Гэта вынікае з праекта Закона “Аб рэспубліканскім бюджэце на 2019 год”, які выклала на сваёй старонцы Facebook дэпутатка Ганна Канапацкая.
Гэта на чвэрць больш чым было выдзелена на дзейнасць дзяржСМІ ў 2018 годзе.
На тэлебачанне і радыёвяшчанне з агульнай сумы прадугледжана выдаткаваць каля 53,9 млн еўра (129 699 385,0 руб), на перыядычны друк і выдавецтвы — каля 2,8 млн еўра (6 799 298,0 руб), на “іншыя пытанні ў галіне СМІ” — 6,1 млн еўра (14 712 468,0 руб).
Для параўнання: на 2018 год ў бюджэце для дзяржаўных СМІ было прадугледжана каля 48 млн еўра (каля 113 млн рублёў), 2017 — каля 47 млн еўра, 2016 — каля 45 млн еўра, 2015 — каля 60 млн еўра, 2014 — каля 52 млн еўра, 2013 — каля 60 млн еўра, 2012 — каля 45,5 млн еўра, 2011 — каля 54 млн еўра, 2010 — каля 40 млн еўра, 2009 — каля 64 млн еўра.
@bajmedia
Заснавальнік платформы «Новая Беларусь» анансаваў укараненне персаналізаванай стужкі навін і выкарыстанне штучнага інтэлекту
04.12.2023
Урад Літвы прапануе падоўжыць забарону на рэтрансляцыю беларускіх і расійскіх тэлеканалаў
10.04.2024
Крымінальную справу супраць кіраўніка «Маланка Медыя» Паўла Марыніча перадалі ў суд
22.02.2024
Ютуб-шоу «Обычное утро» пакінула вядучая. Хто стаў новай?
26.08.2024
