Суд аб’яднаў пазоў «Менсктрансу» да Грузьдзіловіча ў адну справу зь іншым падсудным

25 ліпеня пасьля паседжаньня жонка Алега Грузьдзіловіча Мар’яна расказала «Радыё Свабода», што судзьдзя прыняла рашэньне абʼяднаць ягоную справу са справай іншага чалавека.

 — Як мне патлумачылі, што такі ж пазоў [як і Алегу] выставілі яшчэ аднаму чалавека, таму гэтыя справы абʼяднаюць і будуць разглядацца разам. Наступнае паседжаньне прызначана на 04 жніўня ў 16:30, —  дадала яна.

Алег Грузьдзіловіч як журналіст асьвятляў акцыі пратэсту ў 2020 годзе, яго ж пакаралі як удзельніка паўтара гадамі зьняволеньня, а «Менсктранс» запатрабаваў ад яго кампэнсацыі за спынены рух транcпарту.

Агулам «Менсктранс» выставіў Алегу Грузьдзіловічу, які адбывае пакараньне ў магілёўскай калёніі № 15, тры грамадзянскія пазовы за розныя эпізоды 2020 году— на суму 56 979 рублёў 68 капеек.

15 ліпеня ў Заводзкім раённым судзе «Менсктранс» фактычна адмовіўся ад часткі свайго грашовага патрабаваньня.

Перасьлед Алега Грузьдзіловіча

3 сакавіка 2022 году журналіста Свабоды асудзілі на паўтара года пазбаўленьня волі нібыта за арганізацыю масавых беспарадкаў і ўдзел у іх (артыкул 342, ч.1 КК) летам і ўвосень 2020 году. Нібыта Алег спыніў грамадзкі транспарт 16 жніўня на плошчы Незалежнасьці, 11 кастрычніка — на вуліцы Кальварыйскай, і 18 кастрычніка — на Партызанскім праспэкце.

Жонка Алега Грузьдзіловіча Мар’яна зьвяртала ўвагу на тое, што 16 жніўня, калі ў Менску адбылася самая шматлюдная акцыя, плошча Незалежнасьці яшчэ з 10‑й раніцы была агароджаная турнікетамі.

«Грамадзкі транспарт на праспэкце Незалежнасьці ў той дзень прэвэнтыўна быў спынены не дэманстрантамі, а менавіта гарадзкімі ўладамі. Алегу інкрымінуюць, што ён спыніў транспарт на цэлы дзень — з 10‑й да 20‑й гадзіны, а ён там знаходзіўся прыкладна а 16‑й гадзіне. Прычым на абсалютна законных падставах — як акрэдытаваны карэспандэнт Радыё Свабода».

Чытайце яшчэ:

«Менсктранс» далей судзіцца з палітзьняволеным Алегам Грузьдзіловічам

Министерство информации Беларуси распространяет «экстремистский» контент

Якія візы вы можаце атрымаць як фрылансер?