Стала вядома, па чыім звароце заблакавалі «Желтые сливы»
5 чэрвеня 2022
Прапагандысцкі канал «Желтые сливы» з дзясяткамі тысяч падпісчыкаў заблакавалі ў Тэлеграме не проста так. Гэта рэакцыя на зварот Беларускага Хельсінскага камітэта, які 12 мая звярнуўся да кіраўнікоў Telegram, Apple, Google з просьбай адрэагаваць на факты парушэння правоў дзяцей у беларускім сегменце Telegram-каналамі, афіляванымі з дзяржавай.
БХК у сваім звароце звяртаў увагу на практыку публікацыі «пакаянных» відэа, удзельнікамі якіх з’яўляюцца дзеці.
Праваабаронцы падкрэслівалі зневажальны годнасць і траўміруючы характар гэтых практык. Бо на відэа, як яны казалі, бачна, што падлеткі відавочна напалоханыя, можна меркаваць, што на іх аказваўся ціск.
Такая практыка можа пакінуць глыбокі след у псіхаэмацыйным стане дзіцяці, а таксама іншых дзяцей, якія стануць сведкамі інцыдэнту ці ўбачаць відэа, рабіў выснову Беларускі Хельсінскі камітэт.
Як бачна па выніку, ягоныя аргументы былі ўспрынятыя кіраўніцтвам Telegram як слушныя і пераканаўчыя.
@bajmedia
За спасылкі на «Витебский курьер news» будуць судзіць рэдактара выдання Аляксандра Корнышава
15.05.2024
У Брэсце суды павялічылі «экстрэмісцкі» спіс за кошт СМІ, але зрабілі гэта з памылкамі
17.01.2024
Пасол Круты назваў «спланаванай правакацыяй» з’яўленне Агурбаш на Першым канале. Ён напісаў ліст Эрнсту
04.04.2024
Представитель Агентства международного развития США: Наша задача — помочь независимым СМИ, которые говорят правду
08.12.2023
