Што з рынкам працы і якіх спецыялістаў шукаюць недзяржаўныя медыя? Адказваюць рэдактары (27 чэрвеня)

27 чэрвеня а 19:00 па Менску з рэдактарамі медыя пагаворым пра тое:

• Як цяпер з вакансіямі ў недзяржаўных выданнях?

• Каго сёння шукаюць рэлакаваныя медыя і ў якіх краінах?

• Якія спецыялісты з якімі кампетэнцыямі патрэбныя медыя?

• Якіх парадаў варта прытрымлівацца пры пошуку працы, накіраванні CV і сустрэчы на сумоўі?

Пра гэта пагаворым з:

• дырэктаркай «Нашай Нівы» Настай Роўда;

• рэдактарам «Белсата» Ігарам Кулеем;

• галоўрэдам выдання MOST Русланам Кулевічам.

Вэбінар пройдзе 27 чэрвеня (аўторак) а 19:00 па Мінску і Вільні (а 18:00 па Варшаве і Берліне) на платформе Zoom з трансляцыяй на Face­book-старонцы БАЖ. Рэгістрацыю закрылі, усім зарэгістраваным даслалі запрашэнні на пошту.

Пакідаць пытанні рэдактарам праз форму можна і ўжо цяпер.

Калег унутры Беларусі ўважліва папярэджваем, што БАЖ і ўсе тры запрошаныя рэдакцыі прызнаныя экстрэмісцкімі фармаваннямі. Просім калег з Беларусі не ўключаць камеру і не задаваць пытанні голасам падчас сустрэчы (толькі у чаце).

Сітуацыя з працай у медыя ўнутры Беларусі, безумоўна, больш складаная. Але з‑за экстрэмісцкага статусу БАЖ мы не можам запрасіць у якасці спікераў рэдактараў нешматлікіх выданняў, якія засталіся ў краіне. Але пра працу ўнутры Беларусі таксама будзем гутарыць.

Таксама удзельнікі_цы ў Беларусі могуць сачыць за вэбінарам на Face­book-старонцы БАЖ.