Сайт і сацсеткі самага папулярнага баранавіцкага выдання «Інтэкс-прэс» прызналі экстрэмісцкімі
29 красавіка 2023
Размова ідзе пра вялікую недзяржаўную рэгіянальную рэдакцыю Intex-press.by, а таксама старонкі медыя ў інстаграме, твітары, вконтакте, аднакласніках, фэйсбуку, тыктоку, тэлеграме і ютубе.
Гэта азначае фактычна забойства папулярнага выдання, бо з цяперашняга моманту любое стварэнне, распаўсюд і нават захоўванне матэрыялаў выдання ўлады будуць трактаваць як правапарушэнне альбо злачынства, што цягне за сабой штраф і арышт.
Пра тое, што 29 красавіка адбыўся суд, дзе прымалася адпаведнае рашэнне, паведаміў праўладны канкурэнт выданя Intex-press — газета «Наш край».
У лютым сілавікі ўжо прыходзілі ў Intex-press і канфіскавалі тады ўсю тэхніку.
У Беларусі паслядоўна вынішчаецца рэгіянальная незалежная прэса. Раніцай 15 сакавіка ў Вілейцы ў доме галоўнага рэдактара «Рэгіянальнай газеты» Аляксандра Манцэвіча прайшоў ператрус, яго затрымалі. Манцэвіча абвінавачваюць у «распаўсюджванні заведама ілжывых звестак, якія дыскрэдытуюць Беларусь і яе органы ўлады».
На пачатку красавіка слуцкае выданне «Інфа-Кур’ер» абвясціла пра закрыццё пасля прызнання ўсіх тэкстаў экстрэмісцкімі матэрыяламі. Напярэдадні ў рэдакцыі газеты прайшоў ператрус. Галоўны рэдактар выдання Сяргей Станкевіч і яго намеснік Алег Рубчэня былі затрыманыя. Ім прысудзілі па 15 сутак адміністрацыйнага арышту.
Рэпрэсіі супраць журналістаў і медыя ў 2023 годзе, спіс зняволеных
@bajmedia
Газету «Автодайджест» прызналі «экстрэмісцкай інфармацыйнай прадукцыяй»
12.03.2024
«Бачыў, што хмары згушчаюцца». Блогер Сяргей Пятрухін расказаў пра ад’езд з Беларусі
13.02.2024
Автора ютуб‑канала MozgON Владимира Цыгановича будут судить за неповиновение администрации колонии в третий раз
23.08.2024
Блогер Vadimati распавёў, што сапраўды захварэў на анкалогію пасля зняволення
07.08.2024
