Пасля наведвання ўрача ў Брэсце затрыманы блогер Аляксандр Кабанаў
15 чэрвеня 2020
Падчас цяперашняй выбарчай кампаніі Аляксандр Кабанаў з'яўляецца прэс-сакратаром ініцыятыўнай групы па вылучэнні кандыдатам у прэзідэнты Святланы Ціханоўскай.
Паводле слоў відавочцаў, 15 чэрвеня Аляксандру Кабанаву, які нядаўна хварэў на COVID-19, патэлефанавалі з паліклінікі і паведамілі пра неабходнасць прыйсці да лекара. Блогер меркаваў, што гэты выклік з’яўляецца правакацыяй, але ўсё ж паехаў у медустанову.
На выхадзе з паліклінікі Аляксандра Кабанава паспрабавалі затрымаць супрацоўнікі міліцыі, аднак адразу гэта зрабіць не ўдалося: затрыманне адбылося крыху пазней.
Аляксандр Кабанаў, які апошнімі днямі выконваў рэжым самаізаляцыі, цяпер дастаўлены ў ізалятар часовага ўтрымання ў Брэсце. Прычыны затрымання пакуль невядомыя.
Яшчэ падчас знаходжання ў лякарні Аляксандр Кабанаў не выключаў, што пасля выпіскі яго таксама чакае суд. Блогер распавёў, што некаторы час каля яго палаты знаходзіліся міліцыянты. З чым гэта звязана, Аляксандр Кабанаў не ведае, а лекары яму нічога не тлумачылі.
@bajmedia
Google плануе зрабіць платнымі некаторыя пошукавыя функцыі
04.04.2024
«Кошт урада» адкрыў збор на BySol: просяць падтрымаць праект пра дзяржзакупкі
24.06.2024
Улады прызналі «экстрэмісцкім» кантэнт старонак «Новага Часу», «Брестской газеты», «Белсата» і іншых медыяў
16.02.2024
Урад прыняў пастанову аб фінансаванні дзяржаўных выданняў у 2024 годзе
27.12.2023
