Падчас анлайн-марафона сабралі больш за 574 тысяч еўра. Куды пойдуць сродкі?

Як паведамляе тэлеканал «Белсат», усе данаты з анлайн-марафона салідарнасці збіраюцца на адзін рахунак, які належыць фонду «21 мая». Яго спецыяльна для такіх праектаў адкрыла былая палітзняволеная, а цяпер прадстаўніца па сацыяльнай палітыцы Аб’яднанага Пераходнага Кабінета Вольга Гарбунова.

Па яе словах, далей усе грошы, акрамя камісіі банка, будуць пералічаны ў фонды, якія дапамагаюць палітвязням. Сярод іх шэраг вядомых і аўтарытэтных арганізацый.

• Фонд медычнай салідарнасці ByMed­Sol

• Фонд беларускай салідарнасці BYSOL 

• Праект дапамогі палітзняволеным жанчынам «Палітвязынка» 

• Ініцыятыва BY_help

• Праваабарончая ініцыятыва дапамогі палітвязням Dis­si­dent­by 

• Сацыяльны праект INeed­Help­BY 

• Анархічны чорны крыж – Беларусь 

• Беларуская Рада культуры 

• Фонд дапамогі беларусам у Літве «Razam» 

• Дабрачынны фонд «Краіна для жыцця» 

• Публічная дабрачынная арганізацыя Lit­touwin LIONS CLUB

• Беларуская асацыяцыя палітвязняў «ДА ВОЛІ»

Кантраляваць размеркаванне сабраных сродкаў, адзначае тэлеканал, будзе спецыяльна створаная назіральная рада, у якую ўвайдуць прадстаўнікі медыя-арганізатараў марафону. Сярод іх — «Белсат», «Радыё Свабода», Беларускі расследавальніцкі цэнтр, «Зеркало», «Брестская газета», «Маланка Медиа», Медыязона, «Наша Ніва», Радыё Рацыя, «Салідарнасць» і іншыя.

Чытайце яшчэ:

«Зняволеныя журналісты церпяць за прафесію». Пра што гаварылі прадстаўнікі БАЖ падчас анлайн-марафона салідарнасці

Заяўкі па радыё, малюнкі ў камерах, лісты падтрымкі. Пра тое, што дапамагала ў няволі, распавядаюць блогеры і журналісты

Нам не ўсё адно! Мы памятаем, што за кратамі ў Беларусі сёння 36 журналістаў і супрацоўнікаў СМІ