Нашаніўская Талака паспяхова скончана: сабрана 16 470 рублёў
12 студзеня 2017
Прэс-служба ГА "Беларуская асацыяцыя журналістаў"
У мінулым месяцы «Наша Ніва», акрамя звычайнага збору грошай на выпуск праз сістэму АРІП, правяла краўдфандынгавы збор грошай праз інтэрнэт.
Рэдакцыя хацела сабраць 10 тысяч рублёў. Аднак чытачы ахвяравалі на развіццё выдання 16 470 рублёў — гэта 165 % ад запытанай сумы, паведамляе nn.by.
«Гэта знак таго, што людзі разумеюць жыццёвую неабходнасць захаваць для сябе і наступных пакаленняў незалежную беларускамоўную прастору», — мяркуюць у рэдакцыі.
Праз платформу «Талакі» «Нашу Ніву» падтрымала 289 чалавек, прычым абсалютная большасць з іх вырашыла не хаваць сваіх імёнаў. Яшчэ 70 чытачоў перавялі грошы праз АРІП — опцыя, даступная круглы год.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
