«Наша Ніва» атрымала ліст-патрабаванне ад Міністэрства інфармацыі
20 красавіка 2020
Рэдакцыя «Нашай Нівы» атрымала ліст ад Міністэрства інфармацыі. У ім змяшчаецца рэакцыя на артыкул пра сітуацыю ў доме састарэлых у Бешанковічах (апублікаваны 16 красавіка).
Паводле інфармацыі ад дзвюх крыніц «Нашай Нівы», у яго жыхароў быў выяўлены каранавірус. Наша крыніца як кантакт першага кола трапіла ў каранцін.
Аднак, як паведаміла Міністэрства працы і сацыяльнай абароны ў лісце ў Міністэрства інфармацыі: «Усім жыхарам і супрацоўнікам аддзялення кругласуткавага знаходжання для пажылых грамадзян і інвалідаў 8 красавіка 2020 года зроблены тэсты на каранавірусную інфекцыю. Па стане на 17 красавіка 2020 года каранавіруснай інфекцыі не выяўлена».
У адпаведнасці з лістом і кіруючыся законам «Аб СМІ» Рэдакцыя «Нашай Нівы» скарэктавала змест артыкула.
@bajmedia
