На журфаку БДУ новы намеснік дэкана — фанат Лукашэнкі родам з Пскову

Гісторык і Z‑патрыёт

У Нікіфарава гістарычная адукацыя. Мяркуючы па ягоным профілі “ВК”, скончыўшы школу ў Пскове, ён паступіў там жа ў педагагічны ўніверсітэт і атрымаў дыплом настаўніка гісторыі. Пазней Нікіфараў абароніць дысертацыю па педагогіцы.

На сайце журфака Алег Нікіфараў паказаў некалькі навуковых публікацый, усе яны звязаны з гісторыяй Пскову. Пры гэтым будучым журналістам яму даверылі весці прадметы “Тэорыя і практыка сувязяў з грамадскасцю” і “Тэорыя камунікацыі”.

Складана сказаць, якую “выхаваўчую працу” Нікіфараў праводзіць на журфаку, але ў сацсетках ён не хавае падтрымку расійскай вайны супраць Украіны. У яго было некалькі допісаў з “расследаваннямі” пра “бабулю з савецкім сцягам”, ён выкарыстоўвае хэштэгі “Zанашупобеду”.

А ў так званы “Дзень яднання народаў Беларусі і Расіі” ў 2022‑м ён напісаў:

“Сёння Дзень яднання народаў Беларусі і Расіі, а лепш бы было адзінства ўсходніх славян, усёй Русі вялікай”.

“Бунтары ў Беларусі”

Нікіфараў не проста не выказваўся супраць рэжыму Лукашэнкі, ён публічна выступаў з падтрымкай лініі ўладаў і асуджэннем “бунтароў” у 2020 годзе.

“На жаль, тыя, хто супраць [Лукашэнкі] зусім не мірныя і добрыя… так, шмат хто шчыра ходзіць за ўсё добрае супраць усяго дрэннага, але шмат тых, хто хоча гвалтоўнага звяржэння ўлады, агрэсіі больш чым дастаткова… прычым бессэнсоўнай”, — расказваў ён сваім сябрам у “ВК” восенню 2020-га.

Пазней ён прысвячаў допісы “расійскім прыхільнікам бунтароў у Беларусі”. І распавядаў пра… “Дасягненні бунтароў”.

“Самая разумная і пісьменная палітыка падчас гэтага вар’яцтва цяпер вымушаная падладжвацца да ўсеагульнай жорсткай гульні… тыя, хто ўсё гэта задумаў не даравалі прэзідэнту РБ смелых заяў аб вірусным бязмежжы вясной”, — пісаў ён і абураўся пандэмічным абмежаванням у Беларусі, у з’яўленні якіх Нікіфараў абвінаваціў менавіта пратэстоўцаў.

Чытайце яшчэ:

Журфак БГУ открыл филиал в телерадиокомпании «Мир»

«Прэсбол» пачыняе змяняць фармат: колькасць старонак газеты ад пачатку года скарацілася

Былая прапагандыстка СТБ, якая шукала працу ў IT, выдаліла свой акаўнт у Linkedin