Кінакрытыкі абвясцілі кароткі спіс намінантаў беларускай прэміі «Чырвоны верас»

У журы другога «Чырвонага верасу» ўвайшлі 16 кінакрытыкаў, кінажурналістаў і кінадаследнікаў.Сярод іх кінакрытык Ульяна Будзік, кінааналітык Максім Жбанкоў, арт-менеджарка Ліна Мядзведзева, фестывальны арганізатар Ігар Сукманаў, аўтарка выдання Back­stage Алена Сойка, кінакрытык Ганна Яфрэменка, даследніца кіно Альміра Усманава, а таксама сузаснавальнікі прэміі Ірэна Кацяловіч і Тарас Тарналіцкі. Частка экспертаў застаецца ананімнаю.

Яны разгледзелі 70 фільмаў 2021-га і 2022-га гадоў. Гэта ігравыя, дакументальныя і анімацыйныя карціны, кароткі і поўны метр, створаныя беларусамі. Некаторыя стужкі бяруць удзел у кінапрэміі ананімна. 

Сярод намінантаў ёсць стужкі ад медыйшчыкаў і пра саміх журналістаў. Напрыклад, у катэгорыі «Найлепшы ігравы кароткаметражны фільм» і «Найлепшы сцэнар» удзельнічае карціна рэжысёркі Мары Тамковіч «У жывым эфіры». Фільм распавядае пра затрыманне журналістак «Белсату» Кацярыны Андрэевай і Дарʼі Чульцовай падчас іх працы ў прамым эфіры з «плошчы Пераменаў» у Мінску. 

«Мне было важна перадаць той эмацыйны стан, у якім знаходзіліся дзяўчыны, калі павінны былі зрабіць важны выбар. Выбар, які рабілі не толькі яны, але на той час усе беларусы», – тлумачыла ў адным са сваіх выступаў рэжысёрка Мара Тамковіч.

Цалкам шорт-ліст намінантаў на «Чырвоны верас-24» выглядае так:

«Найлепшы дакументальны поўнаметражны фільм»:

• «Мара» Сашы Кулак,

• «Мы не ведалі адно аднаго да гэтага лета» Вольгі Абрамчык,

• «Смеласць» Аляксея Палуяна.

«Найлепшы дакументальны кароткаметражны фільм»:

• «Дзённік Анастасіі» Максіма Буйніцкага,

• «Маладосць па-беларуску» Ксеніі Галубовіч,

• «Метадычка» Паўла Мажара.

«Найлепшы ігравы поўнаметражны фільм»:

• «A Kid’s Flick» Мікіты Лаўрэцкага,

• «Лета 1989» Уладзіміра Казлова,

• «Спатканне ў Мінску» Мікіты Лаўрэцкага.

«Найлепшы ігравы кароткаметражны фільм»:

• «Ператрымка» Андрэя Кашперскага,

• «Смеццевая галава» Юрыя Сямашкі,

• «У жывым эфіры» Мары Тамковіч.

«Найлепшы анімацыйны фільм»:

• «Вячэра з індыком» Глеба Куфцерына,

• «The Prim­i­tives» Генадзя Буто,

• «Shirey Mara» Наты Карнеевай.

«Найлепшы(ая) рэжысёр(ка)»:

• Ананімная рэжысёрка,

• Саша Кулак за фільм «Мара»,

• Мікіта Лаўрэцкі за фільм «Спатканне ў Мінску».

«Найлепшы актор»:

• Мікіта Лаўрэцкі за ролі ў сваіх фільмах,

• Андрэй Новік за ролю ў фільме «Ператрымка»,

• Ананімны актор.

«Найлепшая акторка»:

• Лянка Грыў за ролю ў фільме «Soy­ka»,

• Аляксандра Вайцэховіч за ролю ў фільме «У жывым эфіры»,

• Вольга Кавалёва за ролі ў фільмах «Спатканне ў Мінску» і «A Kidʼs Flick».

«Найлепшая праца аператара(кі)»:

• Таццяна Гаўрыльчык і Есэ Мазух за фільм «Смеласць»,

• Юлія Шатун за фільм «Спатканне ў Мінску»,

• Саша Кулак за фільм «Мара».

«Найлепшы сцэнар»:

• Уладзімір Казлоў за фільм «Лета 1989»,

• Андрэй Кашперскі і Міхаіл Зуй за фільм «Ператрымка»,

• Мара Тамковіч за фільм «У жывым эфіры».

«Найлепшае мастацкае рашэнне (праца мастака(чкі)-пастаноўшчыка(цы)»:

• Юрый Сямашка за фільм «Смеццевая галава»,

• Dym­na Vyder­ka за фільм «Мара»,

• Valenti­na Caniglia за фільм «Soy­ka».

«Найлепшы саўнд-дызайн (праца кампазітара(кі) і/ці гукарэжысёра(кі)»:

• Вольга Падгайская і ананімны саўнд-дызайнер за фільм «Галасы. Дзе мой край»,

• Юрый Сямашка за фільм «Смеццевая галава»,

• Генадзь Буто за фільм «Too Big Draw­ing».

«Адкрыццё года»:

• Ананімная рэжысёрка,

• Павел Мажар,

• Юрый Сямашка.

Чытайце яшчэ: 

Аднойчы знікнуць усе газеты. І што далей?

Памёр беларускі фатограф Уладзімір Парфянок

П’есы па-беларуску на сцэнах Парыжа: хто такі драматург Аўген Кавалеўскі, што трагічна памёр у 42 гады?