Гродзенскага журналіста-фрылансера Алеся Дзянісава выклікаюць у міліцыю
27 сакавіка 2019
Гродзенскі журналіст-фрылансер Алесь Дзянісаў 26 сакавіка атрымаў позву, паводле якой яму неабходна з’явіцца ў Шчучынскае раённае аддзяленне ўнутраных справаў.
Cтаршы інспектар аддзела аховы правапарадку і прафілактыкі міліцыі грамадскай бяспекі Шчучынскага РАУС Сяргей Матукевіч выклікае Алеся Дзянісава для апытання на 1 красавіка а 10-ай гадзіне.
Паводле папярэдняй інфармацыі, журналіст з асабістых прычын у гэты дзень не зможа прыехаць у Шчучын.
Супраць Алеся Дзянісава цягам апошняга паўгода ўжо некалькі разоў былі распачатыя адміністрацыйныя справы. 2 лістапада 2018 года суд Кастрычніцкага раёна Гродна пакараў журналіста-фрылансера штрафам у памеры 25 базавых велічыняў за нібыта распаўсюд экстрэмісцкіх матэрыялаў (ч. 2 арт. 17.11 КаАП). А 1 лютага 2019 года яго разам з журналістам Алесем Кіркевічам паводле рашэння суда Ленінскага раёна Гродна прызналі вінаватым у незаконным вырабе і распаўсюдзе прадукцыі СМІ (ч. 2 арт. 22.9 КаАП) і аштрафавалі на 30 базавых велічыняў.
@bajmedia
«Самое зависимое медиа в мире». Маргарита Левчук представила новый сатирический проект
29.11.2023
Магілёўскага журналіста і блогера Алеся Сабалеўскага арыштавалі на 10 сутак
14.12.2023
У Беларусі анулююць дамены «экстрэмісцкіх рэсурсаў»
09.04.2024
Выйшлі на волю былы журналіст БТ Дзмітрый Лукша і яго жонка Паліна Палавінка
23.08.2024
