«Далі 5 хвілін на зборы». Затрымалі Дзмітрыя Семчанку, які на знак пратэсту сышоў з прэзідэнцкага пулу ў жніўні

«Быў адзін мужчына не ў форме, а таксама 2—3 чалавекі ў масках. У нас дома маленькае дзіця, але яны сябе паводзілі карэктна, дзіця не напалохалі. Далі пяць хвілін сабрацца і павезлі ў Фрунзенскі РУУС. Сказалі, што будуць правяраць, ці ўдзельнічаў муж у несанкцыянаваных акцыях», — сказала «НН» Юлія Семчанка.

Дзмітрый Семчанка да жніўня 2020 года працаваў на тэлеканале АНТ, быў у прэзідэнцкім пуле. Аднак пасля падзей 9—12 жніўня вырашыў сысці з тэлеканала.

«Маўчаць — значыць памерці. Калі я ўбачыў, як знішчаюць беларускі народ — зразумеў, што ўжо ніколі не змагу маўчаць пра гэта. Інакш буду жывым трупам!» — напісаў ён у сваім інстаграме.

У ліпені гэтага года Семчанка зняўся ў фільме пра журналістаў, якія працуюць з Лукашэнкам, «Прэзідэнцкі пул.