Ананіч: Адказ МУС пра інцыдэнт з журналістам TUT.BY кажа пра «ўжыванне законных мер уздзеяння»
8 лютага 2016
Міністэрства інфармацыі Беларусі афіцыйна дасць адказ на афіцыйны зварот з нагоды інцыдэнту ў судзе Фрунзенскага раёна Мінска, у выніку якога пацярпеў журналіст Tut.by. Пра гэта кіраўнік Мінінфарма Лілія Ананіч заявіла ўвечары 7 лютага ў праграме «Клуб галоўных рэдактараў» тэлеканала «Беларусь 1».
У адказ на пытанне пра калектыўны зварот, які каля 200 журналістаў накіравалі міністру інфармацыі і генеральнаму пракурору ў сувязі са збіццём ў судзе Фрунзенскага раёна Мінска журналіста Паўла Дабравольскага, Лілія Ананіч заявіла:
— Мы афіцыйна дамо адказ на афіцыйны зварот. Самае галоўнае, што мы атрымалі сёння афіцыйны адказ з Міністэрства ўнутраных спраў, які яскрава сведчыць аб парушэнні працэсуальнага заканадаўства і ўжыванні законных мер уздзеяння на ўдзельнікаў гэтага інцыдэнту.
— Журналіст не можа быць актыўным бокам канфлікту. Калі такое атрымліваецца, значыць, гэта не журналістыка, значыць, гэта нейкія дзеянні, накіраваныя на дыскрэдытацыю прафесіі, а не на атрыманне інфармацыі, — дадала яна.
Міністр таксама распавяла, што ў 2015 прынята 41 рашэнне аб абмежаванні доступу да інтэрнэт-рэсурсаў, вынесена 36 папярэджанняў сродкам масавай інфармацыі. «І, вядома, гэтая праца будзе працягнутая. Ідзе дэталёвы аналіз як інтэрнэт-прасторы, так і друкаваных сродкаў масавай інфармацыі. Сёння мы павінны разумець, што ўсе механізмы будуць задзейнічаны, для таго, каб інфармацыйная прастора Беларусі служыла сваёй краіне, служыла кансалідацыі грамадства», — падкрэсліла яна.
Мининформ грозит СМИ предупреждениями
@bajmedia
ТикТок-аккаунты «Медиазона Беларусь» и «Радыё Рацыя» признаны «экстремистскими»
06.11.2024
Суд у Гродне не стаў разглядаць пазоў мясцовага медыя да прапагандысткі Бондаравай
14.05.2024
Еврокомиссия начала расследование против соцсети X
18.12.2023
Віцебскага журналіста Вячаслава Лазарава накіравалі адбываць тэрмін зняволення ў папраўчую калонію № 15
26.12.2023
