Аляксандр Івулін запусціў новы праект на YouTube
1 лютага 2024
Новы YouTube-канал журналіста і блогера Аляксандра Івуліна называецца «ЧестнОК-LIVE». На ім ужо выйшла першае відэа. У прэм’ерным выпуску Івулін размаўляе з эканамістам Сяргеем Чалым.
«Тут усё па-шчыраму», — кажа аўтар у апісанні канала. І тлумачыць:
«Тут уся атмасфера і бэкстэйдж жыцця класных беларусаў, якімі варта ганарыцца».
Плануецца, што на новым канале будуць толькі вялікія выпускі.
Прэм’ернае відэа на «ЧестнОК-LIVE» выйшла 31 студзеня 2024 года. Яго герой — эканаміст Сяргей Чалы. «Здаецца, такім гэтага эксперта вы яшчэ не бачылі», — кажа Івулін.
Аўтар і герой паказваюць, як здымаюць адзінае вечаровае шоу беларускага YouTube, глядзяць матч «Манчэсцер Юнайтэд», а яшчэ — размаўляюць пра сур’ёзнае. Напрыклад, пра тое, што агульнага паміж Качанавай і чарапашкамі-ніндзя.
Стары канал Аляксандра Івуліна «ЧестнОК» таксама працягне дзейнічаць. Кантэнт будзе ствараць сябра і напарнік блогера — журналіст Яраслаў Пісарэнка. Менавіта ён вёў канал, калі Івулін быў у зняволенні.
Чытайце яшчэ:
Згубіліся ў беларускім ютубе? Вось ажно 17 каналаў — знойдзеце свой
Аднойчы знікнуць усе газеты. І што далей?
Любоў Лунёва: Недапушчальна, калі дасведчаныя журналісты вымушаныя заціскаць у сабе прафесіяналізм і выконваць працу капірайтара
@bajmedia
Дзянісу Івашыну ўпершыню за 15 месяцаў дазволілі спатканне з маці
02.04.2024
Магілёўскі журналіст Сяргей Антонаў мусіў выехаць за мяжу пасля допытаў у КДБ
15.12.2023
Мінінфарм чытае пра сябе і дзяржСМІ ў незалежных медыях. Справаздачу выпадкова апублікавалі
25.06.2024
Акаўнты «Вот Так», артыкулы «Хартыі’97» і іншыя: папаўненне «экстрэмісцкага спісу» Мінінфарма
19.08.2024
