17 000 еўра сабралі чытачы для рэдакцыі Reform.by

Галоўны рэдактар Reform.by распавёў пра збор:

«Мы не чакалі, што так шмат людзей будзе нам суперажываць. Дзякуй вялікі. Знайшліся і тыя, хто змог напрамую падтрымаць працу рэдакцыі — на дадзены момант больш за 280 чалавек адправілі праз Donor­Box 17002,34 еўра.

Адзін данат проста паралізаваў працу рэдакцыі — чалавек перавёў за раз 10 000 еўра! Збор працягваецца.

Можам ужо зараз сказаць, на што пойдуць гэтыя грошы: двум журналістам-навіснікам на 4 месяцы працы (1800 еўра з падаткамі x 2 x 4 месяцы працы) + хостынг (каля 700–800 долараў у месяц у залежнасці ад нагрузкі).

Важна. З‑за бюракратыі ў банку мы не паспелі верыфікаваць рахунак на Pay­Pal. Многія нашы патэнцыйныя данары паказвалі на гэтую праблему. Таму мы звярнуліся да BySol з просьбай размясціць збор сродкаў на працу рэдакцыі Reform.by у іх. Андрэй Стрыжак таксама прасіў сказаць, што і ў іх, і ў Donor­Box ёсць магчымасць падпіскі на пераводы кожны месяц.

Да нас таксама звярнуліся невялікія фонды і прадстаўнікі некалькіх еўрапейскіх НКА, у якіх да канца года ёсць невялікія нявыдаткаваныя сумы (500‑1000-2000 еўра) за 2023 год. Нам паабяцалі зрабіць пераводы на наступным тыдні. Паступілі і іншыя варыянты развязання праблемы, мы ўсім гэтым займаемся.

Што ў сухой рэштцы. Пасля такой хвалі салідарнасці мы Reform.by не закрыем ні за што. І пастараемся адпрацаваць кожны еўрацэнт, які мы атрымалі ад вас. Дзякуй, што паказалі патрэбу нашага праекта. Магчыма, гэта прывядзе да з’яўлення стабільнага фінансавання.

Мы вас вельмі любім, з надыходзячымі святамі, вы зрабілі сапраўдны калядны цуд».

Чытайце яшчэ:

«Ідзе паступовае паглынанне калектыўнага беларуса расійскім кантэкстам». Крытыкі падвялі культурніцкія вынікі года

В газете со дня основания, родственник тренера сборной по баскетболу — что известно о новом главреде «Прессбола»

Магілёўскага журналіста і блогера Алеся Сабалеўскага не выпусцілі пасля 10 сутак