BYSOL адкрыў дабрачынны збор у падтрымку палiтзняволеных беларусак

Мэта акцыі — сабраць як мага больш сродкаў для беларусак, якія сёння знаходзяцца ў зняволенні з‑за палітычна матываваных рэпрэсій. Гэтыя сродкі пойдуць іх сем’ям, якія падтрымліваюць сваячку.

«8 сакавіка — гэта дзень зусім не пра кветкі ці пра «ўпрыгожванне калектыву». Гэты дзень прысвечаны вялізнаму ўнёску жанчын у сацыяльную, палітычную і эканамічную сферы жыцця», — кажуць арганізатары збора. Яны разглядаюць акцыю як яшчэ адзін крок у барацьбе за правы жанчын і падтрымцы тых, хто пакутуе праз палітычны пераслед.

Заяўленая сума дабрачыннага збору — 10 000 еўра.

Па стану на 27 лютага з гэтай сумы атрымалася сабраць каля 2 000 еўра. Грошы накіруюць жанчынам, сем’і якіх ужо звярталіся да арганізацыі па дапамогу.

Падтрымаць палітзняволеных жанчын можна па спасылцы

Завяршэнне дабрачыннай акцыі плануецца 9 сакавіка падчас адмысловага мерапрыемства.

Чытайце яшчэ:

«Спадзяюся, ў яе атрымаецца». Ксеніі Луцкіной за кратамі споўнілася 40

Больш чым кнігі і шнарыкі на сэрцы: што чытае ў няволі журналістка Кацярына Андрэева

Арганізацыя RSF даставіла сотні «паштовак для Марыны» ў амбасады Беларусі