Брусэль заклікаў вызваліць затрыманых беларускіх журналістаў
8 жніўня 2018
Вярхоўны прадстаўнік ЭЗ па пытаньнях зьнешняй палітыкі і палітыкі бясьпекі Фэдэрыка Магерыні заклікала Менск вызваліць затрыманых журналістаў. Пра гэта гаворыцца ў лісьце Свабодзе ад прэсавага сакратара кіраўніцы эўрапейскай дыпяматыі. Брусэль абяцае далейшую падтрымку Эўразьвязу незалежным СМІ у Беларусі.
У заяве, прысланай сёньня ў нашу рэдакцыю, гаворыцца:
«Мы атрымалі паведамленьні аб ператрусах і арыштах журналістаў ў шэрагу незалежных СМІ у Беларусі.
Такія дзеяньні супярэчаць заяўленай Беларусьсю палітыцы дэмакратызацыі і яе міжнародным абавязаньням. Павага асноўных правоў і свабодаў, уключна са свабодай выказваньняў і свабодай СМІ, павінна быць захаваная.
Мы далучаемся да заклікаў вызваліць затрыманых.
Эўразьвяз хоча стабільнай, дэмакратычнай і шчасьлівай будучыні для Беларусі, на карысьць яе народу, і будзе працягваць сваю працу з усімі зацікаўленымі бакамі, маючы гэтую мэту на ўвазе. У сувязі з гэтым працяг падтрымкі незалежным СМІ будзе заставацца істотным заданьнем.
ЭЗ будзе працягваць уважліва сачыць за разьвіцьцём гэтай сытуацыі, у тым ліку праз прадстаўніцтва ЭЗ у Менску.»
@bajmedia
Газета «Мінская праўда» — відаць, самае адыёзнае дзяржвыданне краіны апошніх гадоў. Расказваем, як і чаму яна ім стала
13.11.2023
«Агульная траўма ў нас — вельмі моцны хранічны стрэс». Аўтарка праекту «Трэба пагаварыць» Марыя Грыц — пра гутаркі з беларусамі
18.01.2024
Аляксандру Фядуту — 60. Свой юбілей ён сустракае за кратамі
03.11.2024
«Радыё — частка таго шчыта, які абараняе ад лукашызму». Як стваралася і працуе «Беларускае Радыё Рацыя»
02.09.2024
