Брэсцкі суд адхіліў касацыйную скаргу журналіста-фрылансера Яўгена Скрабца
12 верасня 2018
Скарга тычылася рашэння суда Лунінецкага раёна, які 15 жніўня пакараў сябра ГА “Беларуская асацыяцыя журналістаў” штрафам на 20 базавых велічыняў (490 рублёў).
Яўгена Скрабца абвінавацілі ў правапарушэнні паводле часткі 2 артыкула 22.9 КаАП РБ (“незаконны выраб і распаўсюд прадукцыі сродкаў масавай інфармацыі”) за матэрыял на “Радыё Рацыя”, які быў падрыхтаваны па выніках прэс-тура, арганізаванага Лунінецкай філіяй ГА “БАЖ”.
Падчас разгляду сваё скаргі ў Брэсцкім абласным судзе Яўген Скрабец даводзіў, што не парушыў закон, бо з’яўляецца фрылансерам, а не штатным супрацоўнікам замежнага СМІ, якому патрэбная акрэдытацыя.
Тым не менш, гэтыя і іншыя аргументы, а таксама недакладнасці ў адміністрацыйным пратаколе (у прыватнасці, пераблытана дата прэс-тура) не былі прынятыя да ўвагі абласным судом. Рашэнне суд першай інстанцыі засталося без зменаў.
@bajmedia
