Брэсцкі абласны суд адхіліў скаргу блогера Сяргея Пятрухіна, якога абвінавацілі ў паклёпе і абразе
5 ліпеня 2019
Судовая калегія па крымінальных справах Брэсцкага абласнога суда 5 ліпеня разледзела апеляцыйную скаргу Сяргея Пятрухіна. Спробы блогера і яго абаронцы давесці абсурднасць абвінавачванняў ў паклёпе і абразе міліцыянтаў поспеху не займелі. Рашэнне суда першай інстанцыі пакінутае без зменаў, а апеляцыйную скаргу абласны суд адхіліў.
Нагадаем, 18 красавіка 2019 года суддзя Ленінскага раёна Брэста Аляксандр Семянчук прызнаў Сяргея Пятрухіна вінаватым паводле двух артыкулаў Крымінальнага кодэкса — ч. 2 арт. 188 (паклёп) і ч. 2 арт. 189 (абраза). Брэсцкі блогер быў пакараны штрафам у памеры 360 базавых велічынь, гэта 9 180 рублёў, таксама з яго спагнана дзяржаўная пошліна на 306 рублёў.
У якасці пацярпелых па гэтай справе праходзілі чатыры супрацоўнікі Ленінскага РАУС Брэста. Паводле рашэння суда першай інстанцыі, Сяргей Пятрухін мусіць сплаціць матэрыяльную кампенсацыю маральнай шкоды Сяргей Ігнацюку — 3 000 рублёў, Дзмітрыю Якушэвічу, Ігару Галянцічу і Сяргею Токуну — па 1 500 рублёў кожнаму. Таксама блогер павінен кампенсаваць выдаткі супрацоўнікаў міліцыі на адвакатаў агулам на 1 000 рублёў.
@bajmedia
Савет міністраў замежных спраў СНД прыняў заяву «ў абарону правоў СМІ»
15.04.2024
«Экстрэмісцкімі» прызналі старонку ў TikTok «Навiны Гродна i вобласцi» і Telegram-канал «Новостной чат: Украина, Беларусь, Россия»
02.09.2024
Супрацоўнікаў беларускіх дзяржСМІ рыхтуюць у ваенкары
19.08.2024
Незалежная асацыяцыя журналістаў Сербіі правяла акцыю салідарнасці з беларускімі палітзняволенымі калегамі
18.09.2024
