Блогера Мышкевіча з Гродна чакае суд

Апроч пратакола блогер таксама атрымаў планшэт, забраны правахоўнікамі на экспертызу падчас ператрусу 22 верасня 2018 года.

З пратакола вынікае, што адміністрацыйная справа ў дачыненні Мышкевіча распачатая пасля акцыі 16 верасня, калі у цэнтры Гродна з’явіўся плакат са здымкамі зніклых палітыкаў Юрыя Захаранкі, Віктара Ганчара, Анатоля Красоўскага і журналіста Дзмітрыя Завадскага.

Цяпер Анатоль Мышкевіч чакае позвы ў суд.

“Мне патэлефанаваў супрацоўнік міліцыі Вайцешка і прапанаваў прыехаць у РАУС. Я ніякіх тлумачэнняў гэтым разам не даваў. Лічу, што няма сэнсу іх рабіць ні ў міліцыі, ні ў будучым у судзе, таму што ніякага злачынства я не рабіў. Я лічу, што сам артыкул 23.34 КаАП парушае канстытуцыйныя правы грамадзян Беларусі”, — паведаміў Анатоль Мышкевіч у гутарцы з карэспандэнтам службы маніторынгу ГА “БАЖ”.