Блогера Мікалая Клімовіча з Пінска этапавалі ў Баранавічы
7 сакавіка 2023
Грамадскага актывіста і блогера Мікалая Клімовіча этапавалі з Пінска ў Баранавічы ў следчы ізалятар № 6. На мінулым тыдні яго пакаралі годам зняволення за абразу Лукашэнкі.
28 лютага суддзя Андрэй Бычыла прызнаў пінчука вінаватым паводле арт. 368 Крымінальнага кодэкса (“Абраза прэзідэнта Рэспублікі Беларусь”).
Мікалай Клімовіч не згодны з вынесеным яму прысудам і збіраецца абскарджваць рашэнне суда г. Пінска і Пінскага раёна.
Пад пераслед Мікалай Клімовіч трапіў у снежні, калі сілавікі на ягонай старонцы ў сацыяльнай сетцы выявілі палітычную карыкатуру на Аляксандра Лукашэнку, які быў намаляваны ў нацыскай форме.
Перад гэтым блогера судзілі па адміністрацыйнай справе паводле арт. 19.10 КаАП. За тое, што ў сацыяльнай сетцы “Одноклассники” ён паставіў рэакцыю “смешна” пад карыкатурай на Уладзіміра Пуціна, намаляванага таксама ў нацысцкай форме. Тады той жа суддзя Андрэй Бычыла прызнаў яго вінаватым у распаўсюдзе нацысцкай сімволікі і прызначыў штраф памерам 111 беларускіх рублёў.
Нагадаем, 61-гадовы Мікалай Клімовіч мае другую групу інваліднасці праз праблемы з сэрцам і перанесены інсульт.
«Гэта акт запалохвання». БАЖ назвала чаканым статус «экстрэмісцкага фармавання»
“Героі маіх кніг замянілі мне бабуль і дзядуль, якіх я не заспеў”. Гістарычны лёс Руслана Кулевіча
Шведскія журналісты стварылі гульню, у аснове якой аповеды Ларысы Шчыраковай і Яўгена Меркіса
@bajmedia
Ігара Карнея ўключылі ў спіс «экстрэмістаў» МУС
28.06.2024
МВД внесло проект «Женщины тяжелого поведения» в список «экстремистских формирований»
05.06.2024
Магілёўскае дзяржтэлебачанне выпусціла перадачу «Мордой в пол» — пра «экстрэмісцкія фармаванні» 6TV Bielarus і «Магілёў. Меdia»
18.12.2023
Блогер Vadimati пасля вызвалення знайшоў працу на рынку
27.09.2024
