Беларускія журналісты і БАЖ у Гамбургу атрымалі прэмію Free Media Awards
3 лістапада 2021
У Гамбургу прайшло ўзнагароджанне лаўрэатаў прэміі Free Media Awards, усе сёлетнія лаўрэаты — беларусы. Пераможцы былі названыя яшчэ ў жніўні. Гэта — Кацярына Барысевіч, Кацярына Андрэева, Дар’я Чульцова, Наталля Лубнеўская, партал ТУТ.БАЙ і Беларуская асацыяцыя журналістаў.
1 лістапада ў Нямеччыне прайшла ўрачыстая цырымонія ўзнагароджання, удзел у якой з беларускага боку ўзялі рэдактары незалежнага тэлеканала Наталля і Зміцер Ягоравы, журналісткі Наталля Лубнеўская і Кацярына Барысевіч, прадстаўніца ТУТ.БАЙ Аляксандра Пушкіна і старшыня Беларускай асацыяцыі журналістаў Андрэй Бастунец.
Звычайна прэміі Free Media Awards прысуджаюць журналістам з розных краін, аднак сёлета было зроблена выключэнне.
Беларуская асацыяцыя журналістаў узнагароджана прэміяй Free Media Awards за нястомную працу ў падтрымку правоў журналістаў. Разам са сваёй партнёрскай арганізацыяй «Рэпарцёры без межаў» БАЖ ад пачатку пратэстаў у Беларусі ў жніўні 2020 года задакументавала і зрабіла галоснымі шматлікія парушэнні свабоды СМІ і рэпрэсіі ў дачыненні да незалежных журналістаў. Акрамя таго БАЖ прапануе дапамогу журналістам і з’яўляецца важнай крыніцай інфармацыі для міжнародных СМІ.
Беларускую асацыяцыю журналістаў намінаваў на атрыманне ўзнагароды Нарвежскі Хельсінкскі камітэт.
З 2016 года ўзнагароды Free Media Awards уручаюцца незалежным журналістам, рэдактарам і медыя-платформам у Расіі, Украіне, Азербайджане, Беларусі, Грузіі і Арменіі.
@bajmedia
Ведущего бобруйской радиостанции могут снять с эфира из-за поздравлений заключенным ИК‑2
06.08.2024
«СБ. Беларусь сегодня» зменшыла наклад. Але маніпулятыўна ўдвая завышае рэальную колькасць асобнікаў
25.01.2024
Серыял-анталогія «Працэсы», створаны на «Белсат», стаў фіналістам буйного міжнароднага фестываля Prix Italiа
10.09.2024
Распачаўся збор сродкаў на адвакатаў для Андрэя Гнёта
29.03.2024
