Беларускіх журналістаў запрашаюць паўдзельнічаць у анлайн-апытанні на тэму цэнзуры
12 студзеня 2017
Даследаванне праводзіць Чарльз Крабтры (Charles Crabtree) у аспірантуры Мічыганскага ўніверсітэта на аддзяленні паліталогіі. Даследчык мае ступень бакалаўра гісторыі (Каларадскі ўніверсітэт у Боўлдэры) і ступень магістра ў сферы дзяржаўнага кіравання (Паўночна-Заходні ўніверсітэт). Два гады ён жыў і працаваў у Мінску. Працягвае вывучаць постсавецкія краіны, спецыфіку цэнзуры і прапаганды (больш інфармацыі на асабістым сайце).
Апытанне накіравана выявіць асаблівасці цэнзуры ў СМІ ў краінах з аўтарытарным рэжымам кіравання. Гэтая апытанка складзена для Беларусі і Кітая, але з’яўляецца часткай большага праекта. Вынікі апытання не будуць параўноўвацца — будуць напісаны асобныя даследаванні (у суаўтарстве з даследчыкамі Сіракузскага ўніверсітэта). Апытанне ананімнае. Вынікі будуць падводзіцца ў выглядзе статыстычных дадзеных, індывідуальна адказы прэзентавацца не будуць.
Апытанне размешчана тут: выберыце рускую мову зверху справа (англамоўная версія зроблена для Кітая), чытайце ўступ і пераходзьце да пытанняў па спасылцы ўнізе. Апытанне займае хвілін 10 — 15. Запрашаюць паўдзельнічаць усіх журналістаў усіх СМІ Беларусі. Вашы адказы вельмі важныя!
Дзякуй за ўдзел!
@bajmedia
Журналіст Мялешка: Справа з выдварэннем мяне з Грузіі была толькі пачаткам — цяпер такіх выпадкаў ужо каля дзясятка
14.10.2024
Журналіст Мікола Дзядок ужо два месяцы знаходзіцца ў ШІЗА
06.08.2024
Аператыўна-аналітычны цэнтр пазбавіў даменнага імя незалежны партал Media-Polesye.by
15.04.2024
Агнешку Рамашэўскую-Гузы звольнілі з пасады дырэктаркі «Белсата»
12.03.2024
