«Беларускі дом друку» адмовіўся друкаваць і нумар «Свободных новостей»
25 жніўня 2020
25 жніўня не змог выйсці нумар "Свободных новостей" — аднаго з найстарэйшых незалежных выданняў Беларусі.
Пра прычыны гэтага ў каментары «Нашай Ніве» расказаў галоўны рэдактар газеты Васіль Зданюк.
«Афіцыйнага адказу няма, але гэта тое самае, з чым сутыкнуліся «Народная воля», «Комсомольская правда», «Белгазета». Сказалі, што абсталяванне патрабуе рамонту. Друкаваць у Беларусі не варыянт. А рабіць за мяжой, як «Народная воля»… Не ведаю, гэты шлях таксама можна лёгка перакрыць. Рашэнне прымаецца ж не ў Доме друку, а вышэй», — патлумачыў Зданюк.
Праблемы з друкам у дзяржаўнай друкарні першая адчула «Комсомольская правда»: на мінулым тыдні яна атрымала тры адмовы. У друкарні кожны раз спасылаліся на паломку машыны. Потым тыя ж праблемы пачаліся ў «Народнай Волі». А сёння да чытачоў не трапіў свежы нумар «БелГазеты». Усе яны асвятлялі масавыя вулічныя пратэсты ў краіне.
Апошні нумар «Свободных новостей» можна прачытаць ТУТ
@bajmedia
Апеляцыйны суд у Сербіі адмяніў экстрадыцыю Андрэя Гнёта. Але журналіст застаецца пад арыштам
12.09.2024
Дом создательницы YouTube-канала «Настоящая Беларусь» выставили на аукцион
15.05.2024
«Доўгія тэксты чытаць не будуць». Рэдактарка раёнкі патлумачыла, чаму праграмы кандыдатаў у дэпутаты амаль незаўважныя ў дзяржаўных СМІ
19.02.2024
КДБ прызнаў «экстрэмісцкімі фарміраваннямі» медыяпраекты Media IQ і «Обычное утро»
25.06.2024
