«БелаПАН», «Мінск-Навіны» і «Белсат» названыя лаўрэатам прэміі КСА (фота, відэа)
18 сакавіка 2016
Узнагароды, заснаваныя міжнародным фондам "Ідэя", былі ўручаны ў васьмі намінацыях. Міжнароднае журы пад старшынствам Рамана Касціцына, кіраўніка-партнёра камунікацыйнай кампаніі ARS Communications, прыняло рашэнне, кіруючыся значнасцю праекта для грамадства, рэальнымі дасягненнямі па выніках яго рэалізацыі.
СМІ, якія ў 2015 годзе найбольш часта, глыбока, эфектыўна і па ўласнай ініцыятыве асвятлялі сацыяльныя тэмы і КСА-актыўнасць, атрымалі ўзнагароду ад агенцтва сацыяльных навін SocNews і фонду «Ідэя». Лаўрэатамі сталі інфармацыйная кампанія БелаПАН, агенцтва «Мінск-Навіны» і тэлеканал «Белсат».
«Кампанія БелаПАН на працягу ўсіх 25 гадоў сваёй дзейнасці прытрымліваецца як найважнейшых прынцыпаў дакладнасці і аб’ектыўнасці інфармацыі, — заявіў дырэктар БелаПАН Алесь Ліпай. — Яны — самы лепшы шчыт для асобных грамадзян і ўсяго грамадства ва ўмовах прапагандысцкіх войнаў, што вядуцца зараз па ўсім свеце і непасрэдна вакол Беларусі. Мы ўдзячныя арганізатарам ды журы за высокую ацэнку нашай працы і выказваем спадзяванне, што іншыя сродкі масавай інфармацыі таксама будуць памятаць пра цяжкую сацыяльную адказнасць, якая кладзецца на медыі з кожным нашым словам, адрасаваным да шырокай аўдыторыі».
Відэа тэлеканала «Белсат»
@bajmedia
ЕЗ заклікае Google і Facebook прасоўваць незалежныя беларускія медыі
08.01.2024
Заснавальніку медыяпраекта «Рагачоў Онлайн» прапанавалі вярнуцца ў Беларусь праз камісію Шведа
22.09.2024
Дырэктара тэлекампаніі «Гродна» звольнілі за п’яную язду — Hrodna.life
24.01.2024
Сяргей Навумчык сыходзіць з журналістыкі на пенсію. У штаце «Радыё Свабода» ён прапрацаваў 25 гадоў
23.01.2024
