БАЖ звярнулася ў МУС, Мінздароўя, ДВП з просьбаю шпіталізаваць Андрэя Скурко
29 ліпеня 2021
29 ліпеня выданню “Наша Ніва” стала вядома, што ў зняволенага кіраўніка аддзела рэкламы і маркетынгу Андрэя Скурко ў СІЗА на Валадарскага дыягнаставалі пнеўманію. Да пераводу у СІЗА Скурко правёў у ЦІП на Акрэсціна 13 сутак без матраца, пасцелі і пры нягаснучым святле, без дыябетнай дыеты і перадач.
Андрэй Скурко адразу пасля пераводу на Валадарку трапіў у медчастку. Па словах журналіста Алега Груздзіловіча, які сядзеў з ім у адной камеры, з 18-га ліпеня Андрэй пачаў кашляць, узнялася тэмпература, яму давалі парацэтамол.
У сувязі з гэтым ГА “Беларуская асацыяцыя журналістаў” звярнулася ў Міністэрства ўнутраных спраў, Дэпартамент выканання пакаранняў і Міністэрства аховы здароўя з просьбай неадкладна шпіталізаваць Андрэя Скурко ў цывільны шпіталь.
Андрэй Скурко інсуліназалежны дыябетык, для такіх людзей захворванне каронавірусам можа быць смяротна небяспечным.
@bajmedia
«Шмат людзей накінуліся на мяне, як на лёгкую нажыву». Былая фатографка БелТА адказала на хвалю хейта ў свой адрас
15.02.2024
Зняволенага магілёўскага відэааператара Яўгена Глушкова прызналі палітвязнем
19.02.2024
Камітэт па абароне журналістаў асудзіў прысуд Ігару Карнею
25.03.2024
Чарговы акаўнт брэсцкага блогера Сяргея Пятрухіна у Facebook прызналі «экстрэмісцкім»
09.09.2024
