Барыс Гарэцкі: Наваполацкая калонія, куды адправілі Пачобута – адна з самых жорсткіх

Пра Пачобута кажа намеснік старшыні Беларускай асацыяцыі журналістаў Барыс Гарэцкі:

– Пачобут незвычайны палітычны вязень, гэта адзін з галоўных, я б так сказаў, прадметаў гандлю Лукашэнкі. Гэта чалавек, вызвалення якога вельмі моцна, усімі сваімі дыпламатычнымі сіламі дамагаецца Польшча. Пачобута паказальна судзілі жорстка і паказальна жорстка будуць утрымліваць. Мне падаецца, што гэта ўсё робіцца, каб яшчэ больш для Польшчы і ўсяго свету ствараць арэол жорсткасці.

Па яго словах, гэта калонія – адно з самых вядомых месцаў катаванняў палітычных вязняў:

– Любая калонія зараз вельмі складаная, але ў Наваполацку напэўна самыя жорсткія ўмовы ў плане таго, што там кіраўніцтва калоніі адкрыта здзекуецца з палітвязняў. Я думаю, што і над усімі іншымі вязнямі яны паводзяць сябе такім жа чынам, а для палітычных там створана сапраўднае пекла. Калі адбываецца канкрэтны здзек з людзей, пра нейкія правы чалавека ці штосьці такое мы не гаворым, бо гэта не пра правы чалавека, гэта проста барацьба за выжыванне.

Палітвязень і журналіст Анджэй Пачобут асуджаны да 8 гадоў калоніі ўзмоцненага рэжыму. 4 кастрычніка 2022 г. КДБ дадаў журналіста ў спіс асобаў, датычных да тэрарыстычнай дзейнасці. 

Чытайце яшчэ: 

Эйджызм і мянушкі ў калёніі. Фрагмэнты кнігі Алега Грузьдзіловіча

«Калі я адказны за тое, што Пятрашка цяпер робіць у эфіры, то мяне трэба пакараць». Шчырае інтэрв’ю з экс-дацэнтам журфака — пра калег і чорныя спісы

Яўген Магда: «Распавядаць пра Беларусь ва Украіне — як кідаць зерне на бетонную падлогу»