Баранавіцкі ЗАГС адмовіў “Intex-press” у інфармацыі пра суботнія шлюбы
1 чэрвеня 2016
Нядаўна рэдакцыя баранавіцкага недзяржаўнага выдання “Intex-press” звярнулася да начальніка аддзела ЗАГС Баранавіцкага гарвыканкама з просьбай прадаставіць інфармацыю пра час рэгістрацыі шлюбаў ва ўрачыстай абстаноўцы ў суботу, 21 мая.
Справа ў тым, што “Іntex-press” на старонках сайта распачаў новы праект, у якім распавядае гісторыі кахання баранавіцкіх пар, якія вырашылі ўзяць шлюб.
Замест адказу начальнік аддзела ЗАГС Святлана Валынец папрасіла накіраваць ёй пісьмовы запыт на бланку выдання. Паколькі адказ пра цырымоніі 15-дзённай даўніны (час адказу на запыт) карэспандэнтаў не цікавіў, рэдакцыя ў звароце папрасіла прадастаўляць такую інфармацыю штотыдзень у любой зручнай для чыноўніцы форме.
Днямі ж рэдакцыя “Intex-press” атрымала адказ на зварот. У ім Святлана Валынец паведаміла, што штотыднёвае прадастаўленне такой інфармацыі “не ўваходзіць у кампетэнцыю аддзела ЗАГС”.
Цікава, што раней Баранавіцкі ЗАГС ужо адмаўляў “Intex-press” ў інфармацыі. Ен аказваўся “не кампетэнтны” прадастаўляць інфармацыю пра колькасць заключаных шлюбаў або інфармацыю пра самыя папулярныя імёны дзяцей у Баранавічах, хоць дзяржаўнаму выданню “Наш край” даваў гэтыя звесткі неаднаразова.
Фота womenparadise.ru
@bajmedia
Андрэй Бастунец: Больш за 20 беларускіх медыяарганізацый прызнаныя «экстрэмісцкімі фармаваннямі»
14.12.2023
TikTok-акаўнт БАЖ прызналі «экстрэмісцкім». Чарговае папаўненне на сайце Мінінфарма
22.03.2024
«Нешта будзе». Івулін і Мелказёраў запусцілі новы падкаст з платным доступам
24.07.2024
Яшчэ адна старонка брэсцкага блогера Сяргея Пятрухiна ў Facebook прызнаная экстрэмісцкай
01.07.2024
