Апытаньне сацыёлягаў: толькі 4 % расейцаў турбуе абмежаваньне дэмакратычных свабодаў і ціск на незалежныя СМІ
31 жніўня 2017
Расейцы, па-ранейшаму, лічыць самымі вострымі праблемамі краіны рост цэн, беспрацоўе і беднасьць. Менш за ўсё іх турбуе абмежаваньне дэмакратычных свабодаў. Пра гэта сьведчаць дадзеныя апытаньня, праведзенага ў жніўні сацыёлягамі «Левада-цэнтру».
Большасьць рэспандэнтаў (61 адсотак) назвалі самай сур’ёзнай праблемай рост цэн. У жніўні 1999 году так лічыла рэкордная колькасьць расейцаў — 86 адсоткаў, год таму — 72 адсоткі. Беднасьць і жабрацтва насельніцтва хвалюе 45 адсоткаў рэспандэнтаў, рост беспрацоўя — траціну. Такая ж колькасьць расейцаў заклапочаная карупцыяй.
Менш за ўсё апытаных — усяго 4 адсоткі — сказалі, што іх найбольш за ўсё турбуе абмежаваньне грамадзянскіх правоў, дэмакратычных свабодаў і ціск на незалежныя СМІ.
За ўвесь час дасьледаваньняў гэты паказчык ніколі не перавысіў 5 працэнтаў, адзначаюць сацыёлягі.
@bajmedia
Украінскае МЗС прэзентавала згенераванага штучным інтэлектам прэс-сакратара
02.05.2024
У Латвіі прапануюць забараніць TikTok з‑за распаўсюду расійскай прапаганды
17.07.2024
В России на журналистку Радио Свобода Алсу Курмашеву завели еще одно уголовное дело — за антивоенную книгу
13.12.2023
Ва Украіне згортваецца свабода прэсы — NYT, The Guardian
20.06.2024
