Зісер пра вырак Золатавай: «Гэта яшчэ мяккі прысуд, і я лічу яго перамогай»
4 сакавіка 2019
4 сакавіка суд пакараў Марыну Золатаву штрафам у памеры 7650 рублёў (300 базавых велічынь). Таксама Золатава мусіць сплаціць судовыя выдаткі (на аплату адвакатаў БелТА) у памеры 6000 рублёў.
Заснавальнік Tut.by Юрый Зісер пракамэнтаваў Свабодзе гэты прысуд:
«Цалкам зразумела ўсім, што Марына не вінаватая. Але ўлічваючы мэты, якія ставілі перад сабой замоўнікі гэтай справы, і спэцыфіку нашага правасудзьдзя, гэта яшчэ мяккі прысуд, і я лічу яго перамогай. А ўжо што будзе рабіць Марына, абскарджваць ці не, ня ведаю. Я думаю, ёй і ўсім усё гэта ўжо надакучыла».
Паводле Юрыя Зісера, прысуд мяккі, бо магло быць і горш.
«Магло быць горш: калі не турма, дык магло быць пазбаўленьне права займаць пасады. Мог быць такі штраф, які пракурор запрасіў.
Але ўсё роўна вялікі штраф і судовыя выдаткі юрыстаў БелТА. І яшчэ дагэтуль аплочаны нібыта ўрон, які панесьлі. А ніякага ўрону там не было. Там налічылі нейкія астранамічныя сумы. Хоць Марына адзіная зь фігурантак справы БелТА, якая не карысталася гэтай стужкай».
Многие инвестиционные планы и сделки отменились из-за «дела БелТА» — большое интервью Юрия Зиссера
Паводле Зісера, ва ўладаў не было палітычна іншага выйсьця, як прызнаць Марыну Золатаву вінаватай.
«Яны самі сябе ў гэта загналі. Проста не магло быць нешта іншае. Хаця абвінавачаньне падчас суду зусім развалілася. Нават тыя хісткія падпоркі, якія былі».
@bajmedia
«У ягоных творах ёсьць тое, што робіць сухую гісторыю жывой, захапляльнай і запамінальнай». Уладзімеру Арлову — 70
25.08.2023
«Не трэба ізаляваць сябе». Псіхолаг пра тое, як зберагчы свядомасць ва ўмовах рэпрэсіяў
10.03.2024
«Мы не зачыняемся». Вольга Сямашка патлумачыла, чаму прыпыніла працу беларуская рэдакцыя «Радыё Ўнэт»
14.03.2024
Гераіня праграмы «Белсату» назвала Франака Вячорку агентам спецслужбаў — хутка відэа выдалілі. Што адбываецца?
06.12.2023
