Юрый Зісер: Праз змены ў закон аб СМІ беларусы сыдуць на расійскія сайты

Падобна на тое, што пасля змены топ-каманды ў Мінінфарме не засталося людзей, якія карыстаюцца інтэрнэтам. А газетчыкі не разумеюць, што змена крыніцы інфармацыі або месца для абмеркавання навін з беларускага на замежнае ажыццяўляецца карыстальнікам у адзін клік без усякага дазволу дзяржавы і цалкам бясплатна.

Папраўкі з пункту гледжання ўзмацнення жорсткасці мелі б сэнс, калі б яны суправаджаліся фільтраваннем замежных навінавых сайтаў і сацыяльных сетак. Хачу бачыць, як Мінінфарм зафильтруе Ленту.Ру або Мейл.Ру, УКантакце ці Фэйсбук, ды хоць бы беларускі «Спутнік», як адрэагуюць Захад і Расія і як пасля гэтага будзе прасоўвацца экспарт беларускай прадукцыі (самазвалаў, «малочкі», асабліва хайтека). Мы па значнасці ў свеце далёка не Кітай, нам «кітайскага» заканадаўства не даруюць. А калі не ўжываць папраўкі на справе, навошта яны?..

Калі ўлада вырашыла ў чарговы раз напалохаць нашы СМІ — так яны і так пужаныя: па дзейсным заканадаўстве можна зачыніць любы сайт за пяць хвілін. Куды яшчэ больш жорсткімі?.. А вось любое ўзмацненне жорсткасці практыкі працы журналістаў накшталт адсутнасці акрэдытацыі для непажаданых медыя прывядзе да абмежавання іх магчымасці асвятляць падзеі і наогул рабіць сваю працу якасна. Ну а патрабаванне ідэнтыфікацыі карыстальнікаў прывядзе да іх зыходу на замежныя сайты, дзе няма абмежаванняў. А можа — хто ведае — наша ўлада сапраўды задумала перадаць беларускую інтэрнэт-прастору Расіі і ЗША?

Фота media-polesye.by

Власти рассекретили поправки в Закон о СМИ: регистрация интернет-изданий, обязательная модерация, блокировка соцсетей