Адбываюцца масавыя спробы ўзлому тэлеграм-акаўнтаў беларусаў. Як абараніцца?

Што вядома?

Спробы ўваходу ў акаўнт беларусаў адбываюцца рэгулярна, але апошнім часам яны пачасціліся. Імаверна, гэта робяць беларускія спецслужбы — яны атрымліваюць смс за чалавека.

Як зразумець, што вас спрабуюць узламаць?

Калі ваш тэлеграм-акаўнт зарэгістраваны на беларускі або расійскі нумар і мае ўключаную двухфактарную аўтэнтыфікацыю, так званы «Воблачны пароль», то вам прыйдзе апавяшчэнне пра незавершаную спробу ўваходу.

Калі ў вас няма двухфактарнай аўтэнтыфікацыі, то фактычна — ніяк. Спецслужбы могуць лёгка ўвайсці ў ваш акаўнт, спампаваць у ім што хочуць, выдаліць сляды ўваходу ды выйсці.

Першы этап абароны ад узлому — двухфактарная аўтэнтыфікацыя

Галоўнае, што вам трэба зрабіць — праверыць, ці ўключаная ў вас двухфактарная аўтэнтыфікацыя. Калі яна не ўключаная, то абавязкова ўключыце яе.

• Націсніце на сімвал трох крэсак у левым верхнім куце экрана. Абярыце «Налады».

• Далей націсніце «Прыватнасць і бяспека».

• Калі насупраць «Двухэтапнай праверкі» напісана «Укл.», то гэта значыць, што двухфактарная аўтэнтыфікацыя ўключаная. Калі напісана «Выкл.», то варта яе ўключыць. Для гэтага націсніце на пункт «Двухэтапная праверка».

• Пасля націсніце кнопку «Задаць пароль». Адкрыецца меню, дзе трэба яго ўвесці, а пасля паўтарыць. Звярніце ўвагу — ён мусіць быць унікальным і адрозным ад іншых вашых пароляў, але неабавязкова вельмі складаным. Галоўнае, каб ён не складаўся толькі з лічбаў або простых літараў. Гайд па стварэнні добрага пароля ёсць тут.

• Далей вам прапануюць зрабіць падказку для пароля з пары словаў. Рабіце гэта па вашым выбары, галоўнае, каб у падказцы не ўтрымліваўся сам пароль. Або націсніце «Прапусціць».

• На наступным кроку вам прапануюць абраць e‑mail для ўзнаўлення акаўнта на выпадак, калі вы забудзецеся пароль. Для бяспекі гэта так сабе — пароль лепш памятаць, дый e‑mail таксама могуць узламаць і зайсці ў ваш акаўнт у тэлеграме. Але калі вы ўпэўненыя ў бяспецы вашай электроннай скрыні, то можаце абраць e‑mail як опцыю.

• Націсніце «Прапусціць». Двухфактарная аўтэнтыфікацыя ўключаная.

Праверка на лішнія прылады

Пасля гэтага праверце, ці няма ў вашым тэлеграме чужых прыладаў.

• Вярніцеся ў «Налады» і націсніце пункт «Прылады».

• Калі там ёсць нейкія падазроныя прылады, якіх вы не памятаеце, націсніце на назву прылады і пасля ўнізе абярыце пункт «Скончыць сеанс».

• Пасля гэтага з’явіцца акно пацверджання. Націсніце «Скончыць».

Што яшчэ можна зрабіць?

Па-першае, пераканайцеся, што ў вас выстаўленыя максімальныя налады прыватнасці. Для гэтага зайдзіце ў пункт «Прыватнасць і бяспека». Максімальныя налады прыватнасці выглядаюць так.

Калі не, то ўключыце іх. Асабліва звярніце ўвагу на тое, каб быў схаваны ваш нумар. Для гэтага зайдзіце ў пункт «Нумар тэлефона». Налады мусяць быць такімі, як на скрыншоце ніжэй.

Па-другое, перанясіце акаўнт на замежны нумар. Самы надзейны варыянт — папрасіць чалавека, якому вы давяраеце, набыць сім-карту за мяжой і зарэгістраваць новы акаўнт на гэты нумар.

Менш надзейны варыянт — сэрвісы віртуальных нумароў. Пра іх падрабязней пісалі ў адмысловым гайдзе.

Па-трэцяе, перапытайцеся ў вашых сяброў і знаёмых у Беларусі, ці добра абаронены іх акаўнт. Калі не, то навучыце іх, як яго абараніць.

Чытайце яшчэ:

Личные аккаунты нужно держать закрытыми? Изучили советы по безопасности в соцсетях

Почему белорусам стоит использовать VPN и как его правильно выбрать

«Даже паспорт человека не так информативен, как его профиль в Instagram». Инструменты и алгоритмы для расследователей