АБСЕ занепакоена мерамі ў дачыненні да незалежных СМІ ў Беларусі і заклікае ўлады вызваліць затрыманых журналістаў
8 жніўня 2018
Прадстаўнік АБСЕ па пытаннях свабоды СМІ Арлем Дэзір выказаў сур'ёзную заклапочанасць у сувязі з затрыманнем журналістаў з партала TUT.BY і інфармацыйнага агенцтва БелаПАН, а таксама ў сувязі з вобшукамі ў рэдакцыях і кватэрах журналістаў.
У заяве АБСЕ адзначаецца, што па меншай меры пяць журналістаў (Марына Золатава, Ганна Калтыгіна, Галіна Уласік, Ганна Ермачонак з TUT.BY і Таццяна Каравянкова з БелаПАН) былі затрыманыя Следчым камітэтам Беларусі па падазрэнні ў «несанкцыянаваным доступе да кампутарнай інфармацыі» дзяржаўнага інфармагенцтва БЕЛТА.
Журналістам пагражае да двух гадоў пазбаўлення волі.
«Занадта непрапарцыйныя меры, што прымаюцца праваахоўнымі органамі ў дачыненні да двух незалежных медыя, выклікаюць сур’ёзную заклапочанасць наконт незалежных СМІ ў Беларусі, — сказаў спадар Дэзір. — Я заклікаю ўлады неадкладна вызваліць усіх затрыманых журналістаў і гарантаваць, што і сродкі масавай інфармацыі могуць працягваць сваю працу без перашкодаў».
Прадстаўнік АБСЕ працягвае ўважліва сачыць за развіццём падзей вакол гэтай справы.
@bajmedia
Нармалізацыя як умова выжывання. Што цяпер асвятляюць «перафарматаваныя» выданні
15.02.2024
Журналістка «Белсату» Юлія Цяльпук: Мая нага трымаецца на дзевяці шурупах і тытанавай пласціне
02.04.2024
«Сьціснуць зубы, зьберагчы сябе і дачакацца вызваленьня». Што вядома пра зьняволеную журналістку Кацярыну Андрэеву
06.10.2023
«Пазл склаўся». Ігар Ільяш пракаментаваў гіпотэзу, якая пралівае святло на другі прысуд Кацярыне Андрэевай
08.09.2023
