Акцэнты

Эксперт по интернет-расследованиям Хенк ван Эсс предлагает свои методы поиска людей и сообщений в социальной сети Facebook.

Роўна год няма сувязі з журналістам «Радыё Свабода» Ігарам Лосікам, асуджаным на 15 гадоў паводле палітычных абвінавачванняў. 20 лютага 2023 года бацькі Ігара атрымалі апошні ліст ад сына. Ён адбывае пакаранне ў памяшканні камернага тыпу (ПКТ) Наваполацкай калоніі ўзмоцненага рэжыму № 1. Ліставанне, перадачы, спатканні з ім забароненыя. «Радыё Свабода» расказвае пра калонію, якую называюць самай бруднай з экалягічнага пункту гледжання і самай жорсткай што да рэжыму. Цяпер там таксама трымаюць Андрэя Кузнечыка, Андрэя Аляксандрава, Анджэя Пачобута і яшчэ прынамсі 150 палітвязняў.

Нармалізаваныя — гэта новы тэрмін, які актыўна ўваходзіць у айчынны прафесійны ўжытак. Выкарыстоўваецца ён у дачыненні да беларускіх медыяў, якія застаюцца ў краіне, але былі вымушаны пасля 2020 года істотна змяніць інфармацыйную палітыку. БАЖ паглядзеў, што за тэмы яны цяпер асвятляюць і як выходзяць з няёмкай сітуацыі.

14 лютага палітзняволеная журналістка Ксенія Луцкіна адзначае за кратамі 40-ы дзень нараджэння. У зняволенні ў яе пагоршылася здароўе, а дома яе чакае маленькі сын. Журналістка спачатку адмовілася пісаць прашэнне аб памілаванні, але калегі і блізкія спадзяюцца, што яна зменіць пазіцыю — бацькі сабралі дакументы. БАЖ узгадвае факты пра гэтую мужную журналістку.

Як прасунуць у інфармацыйную бурбалку Захаду беларускую тэму, застаецца надзвычай складанай задачай. Яе вырашэнне патрабуе шмат сістэмных высілкаў на працягу гадоў. Пра адну такую спробу — праект Dekoder — расказаў нямецкі журналіст Інго Пэтц падчас сустрэчы, арганізаванай Беларускай асацыяцыяй журналістаў.