АГП правяла у Мінску пікет салідарнасці з незалежнымі журналістамі (Фота)
18 жніўня 2015
Палітыкі выказалі падзяку ўсім незалежным СМІ, што працуюць у Беларусі, а таксама заклікалі ўлады да рэфармавання медыясферы.
Фота прэс-службы ГА «БАЖ»
Пікет Аб’яднанай грамадзянскай партыі ў межах кампаніі збору подпісаў за вылучэнне Анатоля Лябедзькі кандыдатам у прэзідэнты адбыўся на плошчы Якуба Коласа ля сталічнага ЦУМа.
Фота прэс-службы ГА «БАЖ»
Сябры АГП трымалі ў руках плакаты “Без свабоды слова няма сумленных выбараў”, “Патрабуем свабоду слова” ды “Свабоду журналістам”. Анатоль Лябедзька і кіраўнік яго ініцыятыўнай групы Віктар Карняенка прынеслі з сабой стары чорна-белы тэлевізар з надпісам на экране “Паглядзеў БТ – пераключы за сабой”.
Фота прэс-службы ГА «БАЖ»
– У Беларусі склалася сітуацыя, калі з нашых уласных падаткаў фінансуецца цэлая карпарацыя прапаганды. І ў той жа час улада ўсімі сіламі змагаецца з незалежнай журналістыкай. А незалежныя СМІ ў Беларусі – гэта адзіная крыніца праўдзівай інфармацыі, – заявіў Анатоль Лябедзька прэс-службе ГА “Беларуская асацыяцыя журналістаў”.
Фота прэс-службы ГА «БАЖ»
Удзельнікі пікету зачыталі спіс усіх журналістаў, прыцягнутых сёлета ўладамі да адміністрацыйнай адказнасці за прафесійную дзейнасць, і заклікалі прысутных падпісацца пад заявай у абарону рэпарцёраў.
Фота прэс-службы ГА «БАЖ»
@bajmedia
У Гомелі распачаўся суд над відэааператарам Андрэем Толчыным
05.03.2024
Магілёўскага журналіста і блогера Алеся Сабалеўскага арыштавалі на 10 сутак
14.12.2023
Мінінфарм вывучае досвед Раскамнагляду па дэананімізацыі блогераў
21.10.2024
Прапагандысты Брэсцкай вобласці абмяркавалі, як трэба весці «інфармацыйную працу з насельніцтвам»
02.08.2024
