Адкрытыя дадзеныя супраць фэйкаў пра мігрантаў у Еўропе
16 лютага 2016
Брытанскі рэсурс Independent піша пра жыхарку Нямеччыны імём Каралін, якая распрацавала інструмент для разбурэння міфаў пра мігрантаў — Hoaxmap. Гэта мапа, якая першапачаткова ахоплівала толькі Нямеччыну, але цяпер на ёй таксама ёсць дадзеныя пра Аўстрыю і Швейцарыю.
Дадзеныя збіраюцца краўдсорсінгам праз мэйл і Twitter (у акаўнта на момант напісання гэтага паста было 2310 падпісантаў). Дадзеныя катэгарызаваныя і даступныя для скачвання ў розных фарматах (у тым ліку Exhibit JSON).
З дапамогай інструмента людзі могуць адсочваць непраўдзівую інфармацыю пра ўцекачоў, якая распаўсюджваецца праз СМІ ці сацыяльныя сеткі. Фэйкі адзначаныя на мапе кропкамі, у залежнасці ад таго, у якім горадзе яны нарадзіліся. Можна клікнуць на любую і пабачыць кароткае абвяржэнне ды перайсці на першакрыніцу з хлуслівай інфармацыяй. У калекцыі ёсць вядомы ў нас міф пра згвалтаваную дзяўчынку, ці, напрыклад, гісторыя пра тое, як мігранты забіваюць лебядзей.
Каралін мае на мэце стварыць электронны архіў, які дапаможа людзям фільтраваць інфармацыю адносна міграцыйнага крызісу ў Еўропе.
@bajmedia
На сустрэчу з віцебскімі падлеткамі запрасілі блогера, які ў сваіх відэароліках зневажае настаўнікаў і ўжывае ненарматыўную лексіку
05.12.2023
Былы вядучы БТ — пра закуліссе працы, расчараванні і дапамогу палітвязням
19.04.2024
Маргарита Левчук: Когда все плохо, только юмор и сатира могут нас спасти
06.01.2024
Навошта «Мерзкий Кокобай» рэкламуе выставу прапагандыстаў? Здаецца, дзяржава знайшла новы спосаб нармалізаваць блогераў
08.02.2024
