Адбудзецца шэраг судоў над журналістамі паводле арт. 22.9 КаАП
27 студзеня 2021
Журналістку Кацярыну Ткачэнка на пятніцу, 29 студзеня, выклікаюць у суд Маскоўскага раёна Мінска ў якасці асобы, супраць якой вядзецца адміністрацыйны працэс.
Кацярыну вінавацяць у працы без акрэдытацыі паводле арт.22.9 КаАП. Працэс над журналісткай пачнецца а 12:30, кабінет 135.
Журналістцы пагражае штраф ад 20 да 50 базавых велічыняў.
Таксама 29 студзеня ў Мінску паводле арт. 22.9 КаАП будуць судзіць журналіста Івана Куракевіча.
А ў Жлобіне ў суд скіравалі адміністрацыйную справу паводле арт. 22.9 КаАП у дачыненні да журналісткі Алены Шчарбінскай.
Таксама ў Завадскі РУУС Мінска выклікалі і журналіста Алеся Сіліча. Адметна, што журналіст нават не рыхтаваў матэрыял, а 10 і 24 студзеня далучаўся да эфіру «Белсата» праз Skype з Мінска і распавядаў пра падзеі ў сталіцы. Яго вінавацяць па гэтых двух эпізодах.
Пераслед за працу без акрэдытацыі з’яўляецца частым відам ціску на журналістаў у Беларусі. Тэлеканал “Белсат” шмат разоў звяртаўся ў МЗС Беларусі з просьбай выдаць журналістам такую акрэдытацыю, але дагэтуль яе не атрымаў.
У 2020 годзе многія замежныя медыя былі пазбаўленыя акрэдытацыі МЗС, таму іх журналісты ці былі вымушаныя з’ехаць з Беларусі, ці працуюць тут, але фармальна парушаючы заканадаўства.
@bajmedia
Дзяржаўныя СМІ Брэстчыны аднолькава адрэагавалі на арышт Паўла Дурава, узгадаўшы пра свабоду слова
26.08.2024
Канал гродзенскай журналісткі прызналі экстрэмісцкім. Яна пісала пра фемінізм і дранікі
30.10.2024
Заснавальнік платформы «Новая Беларусь» анансаваў укараненне персаналізаванай стужкі навін і выкарыстанне штучнага інтэлекту
04.12.2023
Изменения для рекламного рынка: в Беларуси запретили выдавать выигрыши «террористам» из списка КГБ
26.01.2024
