АБСЕ занепакоена мерамі ў дачыненні да незалежных СМІ ў Беларусі і заклікае ўлады вызваліць затрыманых журналістаў
8 жніўня 2018
Прадстаўнік АБСЕ па пытаннях свабоды СМІ Арлем Дэзір выказаў сур'ёзную заклапочанасць у сувязі з затрыманнем журналістаў з партала TUT.BY і інфармацыйнага агенцтва БелаПАН, а таксама ў сувязі з вобшукамі ў рэдакцыях і кватэрах журналістаў.
У заяве АБСЕ адзначаецца, што па меншай меры пяць журналістаў (Марына Золатава, Ганна Калтыгіна, Галіна Уласік, Ганна Ермачонак з TUT.BY і Таццяна Каравянкова з БелаПАН) былі затрыманыя Следчым камітэтам Беларусі па падазрэнні ў «несанкцыянаваным доступе да кампутарнай інфармацыі» дзяржаўнага інфармагенцтва БЕЛТА.
Журналістам пагражае да двух гадоў пазбаўлення волі.
«Занадта непрапарцыйныя меры, што прымаюцца праваахоўнымі органамі ў дачыненні да двух незалежных медыя, выклікаюць сур’ёзную заклапочанасць наконт незалежных СМІ ў Беларусі, — сказаў спадар Дэзір. — Я заклікаю ўлады неадкладна вызваліць усіх затрыманых журналістаў і гарантаваць, што і сродкі масавай інфармацыі могуць працягваць сваю працу без перашкодаў».
Прадстаўнік АБСЕ працягвае ўважліва сачыць за развіццём падзей вакол гэтай справы.
@bajmedia
Я хацеў выдаць тых, каго «няма»: чаго чакаць ад новага беларускага выдавецтва
10.08.2024
Міхась Зуй: «Мая прафесія — грамаадвод, куды я магу даслаць любую эмоцыю»
29.06.2024
Белоруски сделали сатирический проект, где высмеяли, каких женщин хочет видеть пропаганда. Получилось скорее не весело, а грустно
05.02.2024
Мужская депрессия в эмиграции: как предотвратить разрушение жизни и карьеры? Отвечают психологи
06.10.2024
