2018 год яшчэ не пачаўся, а суды над БЕЛСАТаўцамі ўжо прызначылі
29 снежня 2017
У студзені за супрацу з «Белсатам» будуць судзіць журналістку Любоў Лунёву.
Журналістку выклікаюць у Фрунзенскі суд Менску 11 студзеня а 10:30. СМС-ку з выклікам Любоў Лунёва атрымала сёння раніцай.
Журналістка распавяла Belsat.eu, чаму ёй зацікавіліся праваахоўнікі:
«20 лістапада я была з аператарам на грамадскіх слуханнях з нагоды чарговага ўшчыльнення. Ва ўтульным двары, што побач з вуліцай Прытыцкага ўлады хочуць на месцы сквера пабудаваць будынак пракуратуры, ДАІ і камеры папярэдняга затрымання, стаянку для аўтазакаў, службовых аўтаў і сцяну з калючым дротам. Нас паклікалі жыхары на грамадскія слуханні. Я там запісала каментары прадстаўнікоў улады і жыхароў. І ўчора а 20:30 на мяне склалі пратакол».
Журналістка кажа, што пратакол «класічны, нічога новага».
Сёлета Любоў Лунёву двойчы судзілі «за працу без акрэдытацыі».
@bajmedia
«Сложная многолетняя процедура». Эксперт iSANS — о лишении Беларуси права администрировать доменную зону BY
10.04.2024
У Берліне ў межах кінапрэміі «Чырвоны верас» уганаравалі фільм Мары Тамковіч «У жывым эфіры»
18.02.2024
Затрымалі былую журналістку catholic.by Аксану Ючкавіч
24.01.2024
Галоўную рэдактарку «Мазырскага нафтаперапрацоўшчыка», асуджаную за «экстрэмізм», звольнілі з працы
18.07.2024
