«Штодзень» звярнуўся да чытачоў па падтрымку
Сайт з навінамі Гомельскага рэгіёна па-беларуску просіць чытачоў замежжа аказаць фінансавую падтрымку праекту. А чытачам унутры Беларусі дзякуе за мужнасць.
Зварот да чытачоў з’явіўся ў тэлеграм-канале выдання 14 лістапада.
«Надышоў час, калі “Штодзень” вырашыў звярнуцца да вас па падтрымку. Нашая маленькая рэдакцыя працягвае ствараць “лямпавае СМІ” для гомельскай аўдыторыі.
Мы – адзіныя, хто піша заўжды па-беларуску ў нашым рэгіёне. І мы таксама намагаемся шукаць для вас цікавыя навіны і распавядаць гісторыі, якія да нас ніхто не распавядаў», – напісала каманда гомельскага сайта.
Усіх, хто знаходзіцца за мяжой, папрасілі падтрымаць нашае выданне і стаць фундатарамі важнага для Гомельшчыны праекту.
«А беларусам, якія нас чытаюць з краіны, мы проста дзякуем за мужнасць».
Падтрымаць гомельскі навінавы сайт можна праз патрэон
@bajmedia
Папаўненне ў «экстрэмісцкім» спісе: акаўнты блогераў і «Медиазона. Беларусь»
27.03.2024
Яшчэ адну старонку «Белсата» прызналі «экстрэмісцкімі матэрыяламі»
18.10.2024
«Экстрэмісцкі спіс» Мінінфарма: гродзенскі сайт s13.ru, TikTok-акаўнты Аляксандра Івуліна, PALATNO і іншыя рэсурсы
30.10.2024
У Аляксандра Корнышава зноў правялі ператрус і распытвалі пра «Витебский курьер news»
24.05.2024
