Памёр самы стары тыктокер Беларусі. Дзядуля Гена пражыў 93 гады

«Я дзед Гена. Просты беларускі дзед. Мне 93 гады. Я пражыў доўгае жыццё», — казаў ён у першым роліку.

«3 жніўня не стала нашага любімага дзядулі Гены», напісалі ягоныя ўнукі і размясцілі развітальны ролік.

@ded_gena 3 августа не стало нашего любимого дедушки Гены💔 #дедгена #генаяня #дедушка #беларусь ♬ оригинальный звук — 🎶🎧🎶

Старонка ў тыктоку з’явілася некалькі месяцаў таму. 93-гадовы дзядуля Генадзь папрасіў карыстальнікаў падпісвацца, каб «сябраваць і кантактаваць», піша Telegraf.news

«Я дзед Гена. Просты беларускі дзед. Мне 93 гады. Я пражыў доўгае жыццё. Падпісвайцеся на мяне, будзем з вамі размаўляць і сябраваць», — распавёў дзядуля ў першым відэароліку на сваёй старонцы ў Tik­Tok.

Ён дадаў, што любіць жарты і гумар і гатовы распавядаць цікавыя гісторыі і дзяліцца сакрэтамі даўгалецця.

@ded_gena #дедгена #генаяня #дед #дедушка #беларусь #беларускіцікток ♬ Волшебная музыка (Опус 4) — Александр Кэтлин

На старонцы дзядулі змясцілі некалькі відэаролікаў, якія яму, верагодна, дапамагала здымаць яго ўнучка. У іх Генадзь гатаваў халаднік, каштаваў клубніцы і правяраў памяць.

У адным з відэаролікаў дзядуля распавёў, што раней працаваў кіроўцам і жыў у Навагрудскім раёне, але пасля смерці жонкі некалькі гадоў таму пераехаў у сталіцу да дзяцей. Дзядуля сказаў, што вельмі рады каментарам і прывітанням ад сваіх падпісчыкаў, якія ўсе чытаў.

@ded_gena #дед #дедгена #генаяня #кадышеваплывётвеночек ♬ yusia — YUSIA

Карыстальнікі сацсетак вельмі цёпла рэагавалі на ролікі. Некаторыя нават згадалі, што ўжо сустракалі Генадзя ў сацсетках, калі яго жонка яшчэ была жывая, але гэты акаўнт чамусьці заблакавалі.

У каментарах людзі цёпла развітваюцца з дзедам Генадзем, пішучы добрыя словы падзякі і памяці.