Тэлеграм-канал «Мая краіна Беларусь» абвясціў пра выхад з медыясеткі Infopoint

З медыясеткі Info­point выходзіць тэлеграм-канал «Мая краіна Беларусь». Галоўная прычына — адсутнасць фінансавання.

Эмблема канала «Мая краіна Беларусь»

«Мая краіна Беларусь» і іншыя праекты, створаныя Сяргеем Бяспалавым, заяўляюць аб выхадзе з медыйнай структуры, якая раней называлася як Info­point. Гэта адбылося з прычыны адсутнасці фінансавання, але нягледзячы на ​​гэта мы і надалей будзем працягваць змагацца з прапагандай лукашэнкаўскіх СМІ», — гаворыцца ў паведамленні тэлеграм-канала.

Сяргей Бяспалаў — беларускі блогер і палітычны актывіст. Акрамя праекта «Мая Краіна Беларусь» ён стварыў таксама «Вусы Лукашэнкі». Бяспалаў — экс-добраахвотнік палка імя Кастуся Каліноўскага. У 2024 годзе стаў дэлегатам Каардынацыйнай рады ад спісу «Незалежныя беларусы».

Info­point — медыясетка, якая аб’ядноўвае шэраг беларускіх тэлеграм-каналаў ды іншых медыяпраектаў.