Лідская раёнка заблюрыла на фота вопратку наведвальніка на прыёме старшыні райвыканкама — меркавана там быў амерыканскі сцяг

Старшыня Лідскага райвыканкама Сяргей Ложачнік 13 снежня праводзіў выязны прыём грамадзян у аграгарадку Беліца. 

Паводле паведамлення раёнкі, «ад мясцовых жыхароў-пенсіянераў і фермера былі прапановы па паляпшэнні мясцовай дарожнай інфраструктуры». Таксама вяскоўцы падымалі «пытанні бяспекі дарожнага руху веласіпедыстаў і сельгастэхнікі па вуліцах аграгарадка, спрэчныя моманты пры афармленні дакументаў на зямельныя ўчасткі і іншыя».

Мерапрыемства даволі будзённае і нічым асабліва не прыкметнае, але Юрась Дзяшук заўважыў, што адзін з пажылых наведнікаў выязной прыёмнай прыйшоў на сустрэчу ў куртцы, на якой былі вышытыя элементы амерыканскай сімволікі. Такія курткі можна легальна набыць у крамах ці на рынках, ды і ўвогуле амерыканская сімволіка нават у лукашэнкаўскай Беларусі пакуль не забароненая.

«Абсалютна дурная і бязглуздая ідэя — замазваць сцяг ЗША на фота. Здаецца, нават у СССР у часы «халоднай вайны» з Амерыкай не займаліся такой дуратой, як зараз у Лідзе», — напісаў журналіст.

Галоўным рэдактарам выдання «Лідская газета» з 1 ліпеня 2022 года з’яўляецца Павел Івуць. Перад тым, як заняць гэтую пасаду, ён быў начальнікам фінансавага аддзела Шчучынскага РАУС.

Чытайце яшчэ:

Журфак БГУ открыл филиал в телерадиокомпании «Мир»

Дзяржаўны тэлеканал АНТ абвесціў, што ягоны YouTube цяпер мае больш за 1 мільён падпісчыкаў. Чаму гэта выклікае сумнеў?

На загад міністра інфармацыі заблакавалі рэгіянальны сайт «Першы Пінскі»