Галоўны рэдактар «Радыё Рацыя»: «Што робяць еўрапейскія палітыкі дзеля вызвалення палітвязняў Беларусі?»

У Беластоку каля помніка Ежы Папялушку 25-га верасня прайшла чарговая акцыя салідарнасці з журналістам Анджэем Пачобутам ды іншымі палітзняволенымі ў Беларусі, піша Радыё Рацыя. 

Галоўны рэдактар Беларускага Радыё Рацыя, Яўген Вапа, разам з іншымі ўдзельнікамі, выказаў свае пагляды наконт сітуацыі ў Беларусі:

– Што робяць палітыкі розных плыняў у нас у Польшчы, еўрапейскія палітыкі асабліва? Што яны робяць дзеля вызвалення палітвязняў Беларусі ў гэтай сітуацыі? Ёсць пытанні, якія мы мусім задаваць.

Выказванні іншых выступоўцаў:

– Сітуацыя палякаў, якія жывуць у Беларусі, досыць цяжкая. Маюць яны шматлікія абмяжаванні. Таксама як жыхары Беларусі, якія змагаюцца за свабоду.

– Нічога не дарма. Усё што робіцца, усё на карысць і вязням, і набліжае вызваленне нашай Бацькаўшчыны.

 – Не выйдзе, бо вельмі цяжкая справа. Беларусы не аб’яднаныя. Палякі пра яго мала ведаюць. Таму, пакуль не абрынецца рэжым, да той пары нічога не будзе.

Паслухаць як гэта было можна ТУТ

Нагадаем, што сябра БАЖ быў арыштаваны 25 сакавіка 2021 года ў Гродне па так званай «польскай справе» разам з іншымі актывістамі Саюза палякаў Беларусі. За артыкул пра напад СССР на Польшчу ў верасні 1939-га Анджэя Пачобута абвінавацілі ў «распальванні варожасці па нацыянальнай прыкмеце». У публікацыі Пачобут назваў агрэсіяй напад СССР на Польшчу 17 верасня 1939 года.

Чытайце яшчэ: 

Аўстралійскі тэлежурналіст узяў удзел у Марафоне салідарнасці, падтрымаўшы Анджэя Пачобута

«Жыццё — падарожжа, а мы ўвесь час кудысьці крочым». Беларускі журналіст з’ехаў у ЗША і вядзе YouTube-канал пра дыяспару

«Упершыню купіў у турэмнай краме марскую капусту». Што новага ў палітзьняволенага журналіста Дзяніса Івашына