Леанід Судаленка атрымаў чэшскую прэмію Homo Homini
18 верасня 2023
Кампанія #FreeViasna 17 верасня правяла імпрэзу салідарнасці ў Вільні. На ёй адбылася сустрэча з былым палітвязнем, гомельскім праваабаронцам Леанідам Судаленкам і была ўручаная яму прэмія Homo Homini («Чалавек чалавеку»). Ён атрымаў яе з рук калегі Наталлі Сацункевіч, якая атрымлівала за яго гэтую прэмію ў Чэхіі 11 траўня 2021 года, калі Леанід быў за кратамі, піша «Радыё Рацыя».
Як узгадвае Леанід Судаленка, ён пра гэтую прэмію даведаўся, калі знаходзіўся ў такіх умовах, дзе здавалася, што пра цябе ўсе забыліся і ў цябе толькі чорна і чорная паласа ў жыцці, без белай.
– У такія моманты, калі пра цябе думаюць, цябе адзначаюць – гэта ўжо белая паласа. Прыемна, калі пра цябе нехта думае, бо калі аказваешся там, то складаецца такое ўражанне, што ты пакінуты, і нікому не патрэбны акрамя блізкіх. Калі пра цябе думаюць гэта цудоўна.
Таксама на імпрэзе ўзгадвалі «вясноўцаў-палітвязняў», якія зараз знаходзяцца за кратамі, у тым ліку і Марфу Рабкову, якую затрымалі адну з першых якраз 17 верасня тры гады таму. Сваю калегу ўзгадвае Наталля Сацункевіч:
– Яна вельмі добры, зычлівы чалавек. Прыязная нам, дапамагала ў прытулку для жывёл. Асабліва яе непакоілі коткі, бяздомныя: яна дапамагала і карміла іх. Да нас нават даходзіла інфармацыя ад яе сукамерніц на Валадарскага, што пад час знаходжання ў ШЫЗА яна таксама шукала магчымасці падкарміць катоў. Для яе павага да чалавечай годнасці кожнага чалавека вельмі вялікая. Мне падаецца, што яна праваабаронца ад нараджэння.
Буйная хваля ціску на праваабаронцаў «Вясны» пачалася якраз з 17 верасня 2020 года, калі была затрыманая каардынатарка Валанцёрскай службы Марфа Рабкова. Роўна праз год стартавала кампанія салідарнасці з палітзняволенымі праваабаронцамі пад назвай #FreeViasna.
Цалкам слухайце ТУТ.
Чытайце яшчэ:
Іосіф Сярэдзіч аб змене палітыкі сайта «НВ»: «Незразумелыя дзеянні тых, каму я бясплатна памылкова перадаў сайт»
Главред Reform.by: журналистика — это иммунитет нации
Асцярожна: прапаганда! Ці трэба і як асвятляць прадзяржаўны кантэнт
@bajmedia
Палітвязень Анджэй Пачобут атрымаў польскую праваабарончую прэмію
04.11.2023
Вядомага спартыўнага блогера будуць судзіць за «садзейнічанне экстрэміскай дзейнасці»
25.09.2023
У Сенаце ЗША прадэманстравалі партрэты беларускіх палітзняволеных. У тым ліку двух супрацоўнікаў «Радыё Свабода»
11.01.2024
Viber узнал у белорусов, какие функции для дополнительной защиты им нравятся
25.08.2023
