Сям’я арыштаванага ў Расіі журналіста Эвана Гершкавіча просіць ААН вызваліць яго

«У гэтай петыцыі тлумачыцца, што затрыманне Эвана з’яўляецца парушэннем яго правоў чалавека і што Расія павінна неадкладна яго вызваліць. Мы проста хочам, каб ён вярнуўся дадому», — сказаў журналістам бацька Гершкавіча Міхаіл.

Працоўная група мае мандат ад Савета па правах чалавека ААН, які базуецца ў Жэневе, на расследаванне «выпадкаў пазбаўлення волі, накладзеных адвольна альбо несумяшчальна з міжнароднымі стандартамі». Група можа звярнуцца да ўрадаў з просьбай растлумачыць гэтыя выпадкі ці звярнуць на іх увагу.

У Злучаных Штатах Амерыкі перакананыя, што Расія выкарыстоўвае рэпарцёра Wall Street Jour­nal Эвана Гершкавіча для правядзення «дыпламатыі закладнікаў» у той час, калі вайна Масквы ва Украіне абрынула адносіны з Вашынгтонам да самага нізкага ўзроўню за больш як 60 гадоў.

«Ні адна сям’я не мусіць назіраць, як іх любімага чалавека выкарыстоўваюць у якасці палітычнай пешкі», — заявіла амбасадар ЗША ў ААН Лінда Томас-Грынфілд. «Гэта менавіта тое, што робіць прэзідэнт Пуцін. Дзеянні Расіі больш жорсткія. І яны з’яўляюцца парушэннем міжнароднага права».

У канцы сакавіка карэспандэнта The Wall Street Jour­nal Эвана Гершкавіча затрымалі ў Екацярынбургу па справе аб шпіянажы. Ад пачатку красавіка ён знаходзіцца ў маскоўскім СІЗА «Лефортава».

Паводле версіі Федэральнай службы бяспекі Расіі, журналіст нібыта збіраў сакрэтныя звесткі пра адно з прадпрыемстваў расійскага ваенна-прамысловага комплексу «на заданне амерыканскага боку». Эван Гершкавіч усе абвінавачанні не прызнае.

Чытайце яшчэ:

Асцярожна: прапаганда! Ці трэба і як асвятляць прадзяржаўны кантэнт

Памёр журналіст «Настоящего времени», былы тутбаевец і свабодавец Алег Ануфрыенка

Сабраныя на Марафоне салідарнасці грошы пачалі размяркоўваць паміж профільнымі арганізацыямі